文青女神．生活十問
Text: Bonnie | Photo: Ricky
面對袁澧林這一位殿堂級文青女神，我有好多嘢想知好多嘢想問——有啲我好直接問，有啲我又唔係幾好意思問，例如「能接受男友在你面前放屁嗎？」，估唔到，女神竟然咁答……
做完呢個小訪問，我知道原來女神都係人，一個可愛的人，嘻。
Q1.每天起床後第一件會做的事？
「睇電話，跟住賴床。」
Q2.每天睡覺前必定做的事？
「飲水，跟住去廁所。」
Q3.有沒有消夜習慣？
「有！食好多消夜，通常如果樓下酸辣粉有開，或者泰國嘢有開就會食一啲好heavy嘅嘢，食完先捨得瞓覺。」
Q4.喜愛夜蒲嗎？
「唔會去一啲好多人嘅地方，但我係非常之夜瞓嘅。」
Q5.最近讀完或正在讀或好想讀的一本書？
「啱啱開始睇緊《老人與海》。」
Q6.鍾意着比堅尼定一件頭？
「無論着比堅尼定着一件頭，我都會搵件T恤或者背心遮住自己。」
Q7.最喜歡自己的甚麼？（外貌及性格）
「鍾意自己笑容有感染力，另外就係……都幾有原則嘅。」
Q8.最討厭自己的甚麼？（外貌及性格）
「身形方面覺得自己唔夠多肌肉，第二就係……有時會太過固執、冇耐性。」
Q9.怎樣看文青這回事？
「文青即係文藝嘅青年，一般泛指鍾意睇書吖，對生活有要求又鍾意音樂、文學等等……嘅人囉。」
Q10.能接受男友在你面前放屁嗎？
「OK！OK！因為我都會喺男朋友面前放屁，哈哈哈哈。」
