日、韓、澳、泰 今夏最優惠旅遊攻略！
當出街開始流汗熱辣辣又即係到咗計劃今夏旅行目的地嘅時候。唔講你唔知原來日本、韓國、澳洲同泰國喺今年5至8月都有必玩限定節目同景點，去到當地如果用埋銀聯卡消費就可以賺更多著數同優惠，即睇日、韓、澳、泰4大必玩推介啦！
日本大阪夢幻天神祭
每年7月尾，大阪嘅「天神祭」都會吸引高達130萬遊客，場面熱鬧！呢個被譽為日本三大祭典之一，更係世界上最大型嘅水上慶典，相當有睇頭！每年7月24日有「宵宮祭」去祈求人人無病息災、順利無事；壓軸節目就係25日嘅「本宮祭」，3,000名身穿奈良平安時代宮廷裝束嘅民眾參與歌舞祭神儀式，佢哋更會分乘約100艘船參加「船渡御」，岸上又會敲響壯闊嘅催太鼓催動節奏。叫人難忘嘅天神祭奉納花火則會喺入夜後上演，象徵大阪天滿宮千年歷史嘅煙花「紅梅」更只有喺「天神祭」先睇得到！為咗親睹煙花美景，當地人更會穿上浴衣及傳統服飾，並帶同美食提早佔據有利位置。想同友人度過一個畢生難忘嘅夢幻夏夜，感受最地道嘅東瀛節日，豈能錯過！
銀聯卡醒你旅遊優惠小貼士：
1.參加祭典前後都想選購地道美食及精美手信？必到位於天王寺嘅近鐵百貨店！超大型嘅近鐵百貨店有齊精美手信，你更可以喺呢度買到最上乘嘅浴衣以及夏祭小玩意，依家以銀聯卡喺近鐵百貨消費，更享有95折優惠。
2.買衫之外，到Bic Camera 購買至潮家電及gadget都係不少遊日人士嘅指定動作！記得用銀聯卡簽賬，尊享95折優惠。
韓國首爾投入花花世界
韓國一年四季都有叫人心醉嘅繁花綻放！想睇薰衣草？依家唔洗千里迢迢到南法，6月由首爾出發，由東首爾綜合巴士客運站，購買前往杆城市外巴士客運站的車票，坐3小時巴士就可以到達江原道嘅高城，參加「高城薰衣草節」。走進一片紫色薰衣草花海嘅Hani 薰衣草農場，除咗打卡呃like，仲可以製作香水、香氛袋，兼到場內商店選買薰衣草精品！另外，今年7月27日至8月5日更有「百合花慶典」，位於忠清南道嘅泰安自然世界帶畀你近200萬朵綻放嘅百合花，啱晒一眾百合控！場內更設有相片區、傳統韓式遊戲及肥皂製作體驗區等，夜間更有燈光節並開放露營場，玩法多又有創意。睇花前後仲可以喺首爾勁買最新化妝品及韓風靚衫，沿途再嘆地道美食，係咪諗到都正呀呢！
銀聯卡醒你旅遊優惠小貼士：
1. 賞花過後想將自己打扮得比花更花姿招展，到當地至有名嘅Galleria百貨公司名品館行下啦！店內有齊不同時裝名牌及化妝品牌。以銀聯卡於場內消費滿100萬韓元，即享5萬韓元商品券(約港元330）。消費愈多，優惠愈多，最高更可獲贈350萬韓元商品券 (約港元23,000）。
2. 臨離開前想喺仁川機場作最後衝刺，到K-books及指定餐廳，即可享消費優惠，最高達9折。
澳洲悉尼 狂歡燈光音樂節VIVID SYDNEY
一年一度嘅繽紛悉尼燈光音樂節VIVID SYDNEY又返嚟喇，今年將會在5月24日至6月15日期間舉行，畀你玩足半個月！一連串精彩節目包括大型燈光與影像藝術騷，七彩耀目嘅燈光效果投射於悉尼著名建築上，更有大型音樂表演以及交流創意產業嘅「創意藝術」。想更貼身欣賞燈光騷，推介於悉尼港灣搭乘遊船近距離細看藝術家們如何運用燈光及互動裝置大玩花樣！
銀聯卡醒你旅遊優惠小貼士：
1. 暢遊澳洲不少人會選擇租車自駕遊，展開更寫意旅程。依家用銀聯卡24小時前到Hertz網站以優惠碼租車，可享9折優惠；連租7天或以上更可免租1天。而憑白金及鑽石卡租車可享87及85折優惠 (*優惠碼可於此網頁查詢︰http://bit.ly/2ZQPFL4UM)。
2. 臨離開前想於悉尼國際機場品嚐當地美食，以銀聯卡於指定餐廳消費可享6折優惠。推介麵包同咖啡都好出名嘅Luxe Café同National Pies，包你一試難忘！
泰國嚐鮮水果節
泰國可說是很多香港人嘅第二個「家鄉」，好多人每年總會到訪三數次，購物兼品嚐「泰」好味嘅美食！假如想食到最美味最多汁嘅泰國水果，一定要喺5、6月到達當地，皆因每年呢個時候泰國各地方都會舉辦水果節慶。而位於東部嘅羅永府喺呢個時候會舉辦「羅永之最水果節」，既有水果勁食大賽，又有水果花車巡遊、選美比賽及民俗表演，等你一次過品嚐泰鮮味嘅榴槤、柚子、蛇皮果、山竹果、紅毛丹等水果！參加完水果節，再返曼谷行市集掃街醫肚，以及享受泰式按摩，過一個最嘆嘅泰式假期！
銀聯卡醒你旅遊優惠小貼士：
1. 除咗水果，泰國嘅酒店自助餐亦值得一試！依家以銀聯卡於曼谷The Square或指定酒店餐廳消費，可享低至5折優惠，喺酒店嘅舒適環境食最鮮味嘅當造水果，一定更美味可口！
2. 另外銀聯卡深知港人鍾意喺泰國超市買買買，依家持銀聯卡到Gourmet、Home Fresh Mart、MaxValu和Villa超市消費，可獲得最高價值300泰銖現金券 (約港元70），將當地優質嘅水果、香料、原材料帶返香港，自己吃得開懷之餘也不忘與親友分享好滋味。
