旅遊達人 小斯小卓行李大公開
「知否世事常變，變幻原是永恆！」
以往選行李箱都不過實實淨淨、外觀幾好、碌得幾順即可，再貴賓一點的，用個名牌加持不就夠了嗎？但家下 2018 年啦，有多點要求很正常吧！因此各行李箱設計師不敢怠慢，有人把箱子弄得更靚仔，有人把箱子加上各種功能。就連背包都花樣百出，打開行李箱，還有一千幾百樣百寶物可以帶過去！在看箱子和旅遊百寶出現之前，我們找來兩個旅遊達人來個旅遊大開箱，看看達人習慣和心得，以自己的需要，幫自己的旅行裝備，改潮換袋。
text│聽葡
photo│Paul、May
special thanks│訪問場地提供：帝苑酒店（小斯）
生活隨身 飛行常客
作為勤奮的自由撰稿人，在外地時間比在香港的小卓：「因為飛得太密，要有效率執篋就必需要夠整齊。」衞浴用品、護膚品、充電器跟不同接駁電綫、藥物及衣物等等都分門別類放在各式小袋子裏。「咁樣分好類就唔會執漏嘢，最多
refill 番啲洗面、洗頭水咁。」（如果場合需要，她還會帶條黑色裙子或是棉混麻的外套，「有件披感覺 formal
少少啦，布料設計縐縐哋嘅衫唔使熨，黑裙都係方便又穩陣嘅。」看行李裹面，還有香薰油「以前都唔會拎太多嘢，不過而家會拎埋呢啲，冇其他嘢會好悶。」小卓由篋內撿出「生活趣味」，香薰油、浴鹽、喇叭，旅遊記者有時一日
12 小時都開動工作
Mode，走了一天，泡個香薰油浴，可以的話聽着音樂泡個澡，也可即時平衡疲憊身心！「咖啡粉、矽膠伸縮的手沖濾杯、濾紙及私人保暖杯
就保證任何時間都飲到杯熱咖啡，比即溶的好多了！」
小卓旅遊自由撰稿人、電台節目《旅遊玩家》主持，多年來以旅遊記者及自由撰稿人身份到訪世界各地逾 70 國家，作品見於各大香港報章雜誌，出入機場多過去銅鑼灣。
行李內的物品分門別類以小袋子裝好，整齊得過分！
簡單裝束 一衫 N 着
至於小斯，這天就帶咗一大一小篋，大的是 Doughnut，小的是 Samsonite，不分牌子總會選這種雙輪飛機轆。「呢種轆 360 度走向，推得冇咁吃力，咁 Doughut 個腳仲可以做掛勾，有買到嘢可以勾喺度。」皮膚極好的小斯，平日都有注重保養，打開行李箱出門防曬、護膚、洗面用品等等一應俱全，和小卓一樣都是用上很多袋，非常整齊的分門別類，「我自己慳位方向有時諗一物多用，之前幫電視台拍嘢出差成個月，我就諗有咩衫可以慳位，咁男仔長袖恤衫係我自己偏好，除咗一般着法仲可以當外套、披喺膊頭縛腰咁。」如果玩水拍嘢我用 GoPro 5 或以上，貪佢可以防水，唔使另外加殻影響收音效果。至於黄色潛水儲物圓筒我淘寶淘返嚟嘅，我會用佢縛住 GoPro 之類機仔啦，佢可以浮水唔怕跌啦，自拍棍我會用呢款，佢 Z 形可以調角度，咁就可以避開影到隻手或者條棍。」膠拖我都係會帶，有時又唔可以着酒店隻紙拖鞋落便利店嘛，咁如果去啲落後地方，個浴室地下感覺唔乾淨又可以着住沖涼。
小斯以核數師精明頭腦開創了網紅道路，教人以信用咭換飛行哩數走紅，遊走世界上超過 25 個國家，更跟 Viu TV 拍攝旅遊節目，網絡事務繁重關係，減少長時間出遊，近年集中遊至愛日本，也會到東南亞或韓國。
