醒獅陪你shopping！東薈城名店倉打造「醒獅X花藝」慶典！

醒獅表演一定係慶祝農曆新年嘅必備節目之一，東薈城名店倉今年特別邀請咗著名醒獅紮作師傅許嘉雄先生，設計全新醒獅新年裝置，以「群獅遊園迎新歲」為主題，用咗各種年花裝飾醒獅獅頭，加埋用絲花同花布代替獅頭絨球同獅被，設計創新又型格！醒獅裝置坐落喺商場唔同角落，行到邊睇到邊！呢個星期五、六、日仲有「醒獅X功夫」舞步表演！今個週末有地方去啦！

醒獅X花藝！帶你認識本土文化藝術！

今年東薈城名店倉邀請了許嘉雄師傅設計以「群獅遊園迎新歲」為主題嘅醒獅新年裝置。許嘉雄師傅出身於武術世家，被稱為「全港最年輕的醒獅紮作師傅」，霸氣十足！師傅所成立嘅「雄獅樓」，係香港唯一「獅頭製作」及「舞師團隊」並存，同時於多項比賽中屢獲殊榮嘅組織！團隊所創作嘅作品必定係正宗而精緻！當然唔可以錯過！

平時製作醒獅造型時，都會將醒獅設計得威武勇猛。今次師傅搞搞新意思，於作品中利用絲花代替獅頭絨球，再用繽紛花布用作獅被，寄寓各位來年花開富貴、事事順景！六頭醒獅則代表6種不同的花類，紅色蝴蝶蘭象徵事事順心，祝大家心想事成；橙、黃菊花代表長壽多福；文青最愛嘅綠色繡球花，祝各位新年團團圓圓；又有夠晒優雅嘅紫色蘭花，仲有新年必備嘅粉紅色桃花，祝你狗年行桃花運添！鍾意本土文化藝術嘅你就記得新年去東薈城名店倉睇睇啦！