太古廣場Christmas Spectacular 必睇聖誕show + 必玩工作坊攻略
今個聖誕以「Christmas Spectacular」為題嘅太古廣場化身英倫式大劇院，喺白色華麗舞台之上將會有超過60場的現場表演，當中包括多個城中享負盛名嘅表演團體，例如香港芭蕾舞團呈獻嘅《胡桃夾子》、香港管弦樂團及香港巴赫合唱團等嘅現場演奏。除此以外，仲有唔同嘅節日工作坊、購物禮遇同節日限定Pop up store登場，以下3個推介就係大家一定唔可以錯過嘅聖誕精彩節目！
必睇！由早到晚大劇院表演不斷
大家只要走到太古廣場嘅Garden Court，看到舞台與燈光效果嘅設計，就會感受到進入咗彷如英倫嘅大劇院，然而舞台上由即日到12月26日，會有超過60場的表演，當中包括多個城中享負盛名嘅表演團體，例如香港芭蕾舞團、香港管弦樂團、香港歌劇院、香港巴赫合唱團及低音男歌手Elia Astorino等，透過音韻、旋律及舞蹈重新演繹不同的聖誕體驗，令你可以有一個難忘的聖誕，其中香港芭蕾舞團以舞蹈呈獻嘅《胡桃夾子》，家長記得要帶埋小朋友到場欣賞呀！
表演時間表即上太古廣場官網睇清楚！
www.ppchristmas.com/performance
驚喜焦點有禮送
今次商場仲有一個叫Spotlight Surprise嘅活動，只要你踏入Garden Court，就有機會成為鎂光燈下嘅主角，舞台射燈會不定時照向其中一位客人，佢就會成為舞台主角，可以喺巨型禮物箱揀禮物。禮物種類極之豐富，有Salvatore Ferragamo 嘅時尚飾品、Jo Malone嘅聖誕限定禮盒、Fortnum & Mason嘅佳節禮籃、La Maison du Chocolat嘅奢華法式朱古力等等！
地點：太古廣場LG1 Garden Court
時間：於12pm至7pm期間不定時舉行
推廣生意的競賽牌照號碼 049840
必食！聖誕限定Sweet World劇院糖果店
聖誕節總是被禮物、甜品包圍才叫圓滿！太古廣場亦完全滿足到你願望，為大家帶來Sweet World聖誕劇院限定糖果店。糖果店特別引入15款不同口味紐約手工爆谷，其中香烤椰子、玉桂、熱帶芒果同紐約聖誕（青蘋果玉桂口味）都係太古廣場嘅限定口味。
除咗爆谷，大家仲可以選擇店內甜蜜蜜嘅手工綿花糖，連綿花糖亦有吹波糖、朱古力、草莓及Pina Colada等不同口味；另外仲有「自選糖果站」亦提供超過四十款不同口味嘅糖果任你選擇， 到時一手糖再一手爆谷，睇舞台上嘅演出就夠晒滿足！
位置：L1層
必玩！聖誕禮物手藝工作坊
有別於一般坊間見到嘅聖誕手藝工作坊，可能只會畫吓聖誕卡，太古廣場特別推出5個不同嘅聖誕限定工作坊，就可以教你整聖誕霓虹燈牌、聖誕霓虹小飾物、原木聖誕香薰蠟燭、朱古力雕刻同聖誕紙飾品DIY工作坊，每樣都非常特別！自己親手做嘅聖誕擺設用嚟裝飾屋企或用嚟送俾朋友都非常窩心！
日期：即日至12月24日
詳情： www.ppchristmas.com/workshop
地址：金鐘太古廣場
太古廣場「Christmas
Spectacular」
日期：即日至2018年1月1日
以上資料由太古廣場提供。