打風醫肚? 八號風球營業食肆
次次打風食丁麵，你估次次打風都想食丁麵咩！其實 8 號波除了麥當勞、KFC、吉野家、美心、大家樂等快餐店營業之外，亦有不少水準高一線的連鎖餐廳 8 號風都開門做生意，想食個叉燒飯、拉麵、薄餅或者飲茶都無問題！
1. 美心中菜
打風其實好多人都鍾意飲茶，美心中菜旗下有多個品牌，好似美心皇宮、翠園、八月花、翠玉軒、潮江春等，8 號風球基本上全線都開，部分分店位於樂園或政府大樓如大會堂等則不會營業，至於 9 號及 10 號則要視乎情況，如營業後才掛上 9 號及 10 號風球，一般都會繼續營業。
美心中菜品牌詳情︰www.maximschinese.com.hk
2. 太興燒味餐廳
連鎖品牌太興於全港分店繁多，8 號及 9 號風球大部分分店照常營業，10 號風球則暫停營業。
3. 茶木
同樣屬於太興集團旗下的茶木，走台式餐廳路線，除了供應不少台式料理，招牌甜品有蜜糖磚塊、奶酥吐司，8 號風球全線營業，9 號則視乎情況，10 號風球暫停營業。
4. Pizza Hut
想食 pizza，可以去連鎖店 Pizza hut！員工表示一般 8 號風球會照常營業，9 號及 10 號風球則暫停營業。
5. 翠華餐廳
另一間好受香港人歡迎的茶餐廳翠華，無論 8 號、9 號定 10 風球都全線照常營業，好勤力！真係 anytime 想食碗魚蛋粉，來個奶油豬、咖喱飯都無問題！
6. MOS Burger
想食個 burger，都唔止麥記一個選擇。日系 burger 店 MOS burger 於 8 號風球照常營業，但 9 號及10 號風球則暫停營業。
7. 味千拉麵
想食個日式風味拉麵，有味千！味千於全港擁有十多間分店，8 號風球照常營業，9 號及10 號風球則暫停營業。
8. 八方雲集
唔想食得咁 heavy，仲有鍋貼水餃可以選擇！8 號風球八方雲集照常營業，惟 9 號及 10 號風球則暫停營業。
*視乎酒樓位置而定
註：
1.要留意最新颱風消息
2.惠顧前，建議致電分店查詢