涉谷激安好好買 8款今夏必入粧物
上月小編去咗東京工幹，一做完嘢即刻飛去喺涉谷新開嘅24小時「激安之殿堂」，嘩﹗真喺好大好好買，連埋地庫有 7 層咁多，我梗喺第一時間就走咗去3樓買化粧品果層啦，發現幾樣新奇嘢同好啱夏天用嘅小物，依家即刻比大家睇吓﹗
1/清黑頭小棒 798yen
夏天油脂分泌咁勁，喺鼻上面嘅黑頭粉刺特別多，呢枝小棒好方便，只要將附送嘅 Deep Clean Liquid 滴點枝棉花攀棒，然後喺鼻上面捽吓捽吓，就可以清潔到毛孔入面啲污垢同角質㗎啦﹗
2/W洗顏機 980yen
依家好興用洗面機嚟洗面，不過部部都過千，呢部細細部嘅洗面機就唔使咁貴，仲要1000yen都唔使，而且刷頭嘅毛極幼細，而且非常容易起泡。
3/貓狗面膜 1000yen/4枚
Will u be a Cat﹖Will u be a Dog﹖之前好多卡通公仔、人物造型面膜，大家敷面膜時都玩得好開心，今期期流行終於到好多人都鍾意嘅貓狗，敷住面膜同你隻貓狗玩selfie。
4/Alice in Wonderland眼線筆 1,200yen
1 Day Tattoo眼線筆向來都出名，又易畫又幼，仲可以keep住全日唔掉色，而且漆黑色畫到好似雙眼有放大效果，今次仲出埋個個少女都大愛嘅愛麗絲版，無辨法唔比錢。
5/米妮化妝水 880yen
可愛嘅又點只愛斯絲，米妮都有好多粉絲㗎，今次Kose出呢個黑糖精化妝水用粉紅色加上花花做包裝，加埋米妮真喺無得輸，仲要有限定試用版精華乳霜，乳霜可以有美顏油、精華液和按摩霜的功效。
6/Kitty創傷液體膠布 798yen
可愛公仔陸續有嚟，今次輪到Hello Kitty，呢個液體膠布好好用，薄薄搽一層就可以保護受傷嘅部位，仲唔怕濕水，而且細細支放落小手袋都得，隨時方便攞嚟用。
7/涼感噴霧 448yen
夏天太陽咁猛烈，曬到個人都周身汗味，想即時解決汗臭味，可以喺衫上面噴一下呢個噴霧，一陣陣嘅清新花香就會散發出嚟，仲可以有日本人好興嘅「涼感」，即喺為你暫時降吓溫咁囉。
8/殺蟲香水 980yen
呢枝咁靚成枝香水咁嘅噴霧，其實喺一枝可以驅走蚊蟲嘅噴霧，可以噴喺天井、牆壁、床單都可以，帶有少少香水味道，而且一枝可以用200日，包裝靚到已經好想買，唔會好似平時買果啲咁用完都吾會攞出嚟，呢枝咁靚放喺化妝枱都無問題。