海底撈醇香牛油火鍋底料

即將落戶香港的國內名牌火鍋店「海底撈」，無咗「肉麻服務」、「變態侍候」，只能單憑味道又夠唔夠吸引？

火鍋湯底成分有牛油、植物油、郫縣豆瓣、辣椒、蒜、花椒、薑、洋葱等。湯底不是勁麻勁辣，麻辣溫和不嗆，更滲出淡淡牛脂膻香，既有辣油香又有牛油脂香，好有層次！但有海底撈粉絲表示，味道跟於餐廳食有啲唔同，牛脂、辣度都比較淡。

要彈嘅，係湯底比較鹹，要加多啲水慢慢食！而且麻度不足，辣度屬 BB 級，平時食開勁辣嘅朋友，可能會覺得唔夠過癮！

白家陳記四川火鍋底料

早因為肥腸酸辣麵而認識白家陳記，試食的火鍋底料以牛油、郫縣豆瓣、豆豉、花椒等材料煮成。辣度是 3 者之冠，辣得人流晒汗，但最讚是湯底辣而不嗆，麻、辣兼備，香辣件隨一陣濃麻勁。

細味之下，還有點酸味，正好中和辣油的膩。既有麻香，又辛辣刺激！加肉食，湯底愈煮愈香！

老干媽植物油火鍋底料

號稱國內最高銷量辣椒醬品牌的「老干媽」，主要出產多款口味嘅辣椒醬、風味腐乳等。今次試食的火鍋湯底，主要成分有菜籽油、辣椒、蠶豆及鹽。湯底的色澤比較深，而且有大量辣椒，加水滾起已經有刺鼻的味道。單飲湯底，只嘗到鹹味，不見麻香，辣度比海底撈高，但卻有陣油益味。

淥肥牛再試味，仍然食唔出麻辣味，反而嘗出有輕的藥材、香料味，湯底似醬油味多過似麻辣味，重口味人士之選！

【Info】

天貓超市（香港站）

網址：https://pages.tmall.com/wow/chaoshi/act/212fzm?scm=20140652.330.3.1