家庭裝朱古力雪糕Battle
大熱天時最好梗係匿喺屋企，大大啖嗒家庭裝雪糕，大眾至愛的朱古力口味，究竟邊款最受歡迎？我們今次精選以下四款品牌，搵了30位同事集體「盲試」，遮雪糕名之下，每人揀出最鍾意的品牌，睇下邊隻勝出先！
回合一：鬥味道
勝！
A／Haagen-Dazs比利時朱古力雪糕（12票）
＊法國製造，主要成份有鮮忌廉、可可塊、可可粉、可可脂、脫脂煉奶等。
＊雪糕滿佈朱古力碎。
評語：「朱古力碎分佈均勻，朱古力味好濃。」
「雪糕好滑。」
「朱古力味不太甜，也不甘。」
B／Dreyers D-Collection比利時三重朱古力雪糕（9票）
＊由比利時黑朱古力、牛奶朱古力及白朱古力chips組成。
＊四款品牌之中朱古力色最深色。
評語：「有dark chocolate的微甘味，幾濃，不會好甜。」
「有粒粒朱古力碎，朱古力味好真。」
C／Milk Top朱古力雪糕（3票）
＊以北海道牛奶、煉奶、忌廉、淡奶、可可粉、黑朱古力等自家製作。
＊雪糕顏色似朱古力牛奶
評語：「似朱古力牛奶味，朱古力味溫和，相對之下比較淡味。」
評語：「似朱古力牛奶味，朱古力味溫和，相對之下比較淡味。」
D／Movenpick瑞士朱古力雪糕（7票）
＊以瑞士朱古力、瑞士忌廉、炮成薄片的Maracaibo可可，組成雲石紋理。
＊雪糕內藏大大片朱古力脆片
評語：「超多朱古力片，添上薄脆口感，不單調。」
「食得出雪糕重忌廉，好滑，不過很快溶。」
回合二：鬥超值
A／Haagen-Dazs比利時朱古力雪糕 473毫升 $120／2盒，$69.9／盒（Market Place by Jasons)
勝！售價最平！
B／Dreyers D-Collection比利時三重朱古力雪糕 473毫升 $79.9／2盒，$49.9／盒（Market Place by Jasons)
C／Milk Top朱古力雪糕 480毫升 $160／2盒，$80／盒（Sogo）
D／Movenpick瑞士朱古力雪糕 500毫升 $146／2盒，$73／盒（Market Place by Jasons)
