好重要！沙灘 Swimming 安全須知！
古語有云：未食五月糭，寒衣未入櫳——咁收埋咗寒衣，自然就係拎出泳衣！
去沙灘曬太陽 Swimming 自然開心，但都要注意安全！
[落水前]
唔好食得太飽，所以食完 Buffet 或放題都不宜即刻落水！一定一定一定要做足熱身運動，費事抽筋！
唔好喺冇救生員當值嘅時間落水！所以千祈唔好去嗰啲冇救生員當值嘅隱世泳灘游水！
如果發現自己有傷口或者流緊血，唔好落水！如有雷暴，千．祈．唔．好．落．水！
[落水後]
如果你貴為「用水泡人士」，就唔好游咁出嘞！如果閣下明知自己泳術屬「有限公司」，唔好游出浮台！時刻記住量力而為，唔好人哋話游你又跟埋去！
就算你係游泳健將，喺浮台都唔好跳水！又或者喺浮台底玩潛水！好易出事㗎！
如果同小朋友一齊游，謹記照顧小朋友！
If 發現魚群表現唔多尋常，又或者突然異常地聚集起嚟，游返埋岸 Immediately！我知我知，香港泳灘絕少鯊魚出沒，但都要小心，千祈唔好游近防鯊網！
一旦遇上危險時不要怕醜，高呼：「Help！」（當然我們不希望你遇上呢個時候）
[Anytime]
夏天，為大地帶來雨水。但原來落大雨期間或之後，泳灘會較容易受到污染，所以應避免喺大雨後 3 日內去沙灘 Swim！咁齋曬太陽呢？OK 嘅。
如果泳灘水質被評定為第四級，即代表水質極差，所以要避免去呢啲泳灘 Swim！