自學整把遮 6 大修補方法 tips
落雨天，大風大雨把遮唔生性，遮骨吹到反﹖斷骨﹖遮柄甩咗、爛咗﹖弓彈壞咗﹖閂唔到把遮﹖爛咗一小部分就丟入垃圾筒好浪費，其實可嘗試自己維修。以下分享 6 個小修小補雨傘方法及貼士，可能幫到你！
TEXT/Eunice photo/Paul
參加過一次「雨遮重生」修遮工作坊，覺得聽導師 Joe Kam 講點維修好似唔難，但真正維修，甚至是否可成功大學問，需要不斷嘗試及摸索，唔簡單。
自學維修不浪費
雖然維修雨傘是「雨遮重生」修遮工作坊導師 Joe Kam 退休後的細藝，但教學認真又詳盡，而他維修第一把雨傘的故事是這樣的，「有把用了幾十年的雨傘其他部分都冇壞，只是傘膠柄甩掉，冇理由丟咗佢，先放埋一邊。有一日打風落雨，街上有人丟出舊雨傘的木柄啱用，拿回家將其二合一整返好。」他說，自從那次換傘柄後，不是即時開始維修雨傘的興趣，後來真正退休後，把之前拾回二手雨傘的組件，嘗試自學維修亦成功修好雨傘，有滿足感。
「雨遮重生」修遮工作坊導師 Joe Kam。
工作坊示範及講解各種常見的維修方法。
當年第一把 Joe 自己維修的雨傘，用了 40 年至今仍可用。
工作坊分享交流
去年，Joe 見到有傘布重生計劃活動，大眾可將舊雨傘捐予幾個收集點，專人把舊傘布拆出，再車縫成袋。「我見有縮骨傘好有興趣，希望幫手拆傘布時，可收集不同的零件再用，維修更多雨傘。後來，對方見我懂得維修，問我可否幫手維修小問題的雨傘再用，但因只有我和另一位朋友負責，人手不足，最後冇維修得幾多把，但仍有幾十把雨傘堆放整理。見對方熱心環保，我提議他不如借出地方，我開班教人維修遮，對方十分支持，促成第一次『雨遮重生』修遮工作坊。」最近，他於元朗惠群天地、綠在東區舉辦維修工作坊。
維修雨傘的基本工具包括，平銼、三角銼、尖咀鉗、平頂切鉗、胡桃鉗等，工作坊提供以上工具借用及實習。
維修雨傘的基本工具包括，平銼、三角銼、尖咀鉗、平頂切鉗、胡桃鉗等，工作坊提供以上工具借用及實習。
6 大維修雨傘 tips
Joe 話以他的維修雨傘的經驗，維修縮骨傘較困難，組件款式尺寸繁多，有冇得整睇情況。他提醒，雨傘的日常保養好重要，每次用完，雨傘底面都要沖洗及抹乾，打開晾乾才摺回，好天氣要拿出來，打開雨傘曬太陽才襟用。
1 傘布穿咗細窿點搞﹖
雨傘穿了微小孔，用指甲油或膠水有得救，在傘內塗一層即可﹔若紅棗般大的破口，可用舊雨傘的傘布，剪成比洞大的圓形作托布，在傘內以膠水塗於黏合邊緣，最後以舊信用卡刮平。不要用針線縫及貼膠布！
3 遮骨吹到拗晒﹖
有得救！用胡桃鉗逐小鉗直傘骨，不過拗過的金屬一定較弱。
4 駁傘骨難唔難﹖
由回收舊傘拆出的大傘骨，補充，大傘骨是近中央的支撐傘骨。
5 甩咗傘珠點縫﹖
傘布頂端「個粒啲」其實稱為傘珠，甩掉的話有得救，用線以繩結打結已可，圖為學員於工作坊以道具練習。
