減廢新潮流　7 款環保餐具推介

出街食飯、返工帶飯、買外賣，甚至用保鮮紙包食物，都無可避免製造大量用完即棄的垃圾，實在極唔環保！唔想地球先生病多幾錢重，請自備餐具自備餐具自備餐具！（很重要所以講 3 次）

text/ Ceci

photo/ 由有關品牌提供

Uphold 便攜咖啡杯，與一般伸縮的便攜杯不同之相，是它以幾何綫條設計而成，只需一扭，便可將杯子如摺紙般，摺細然後放入手袋，去咖啡店買咖啡，冇難度！

$80（a）

將杯紙一扭，便可如摺紙般令杯子變細，方便攜帶。

飲杯凍飲只需 10 分鐘，即係話每十分鐘就有一枝飲管被飲完即棄。係時候停止浪費了！本地品牌 BUCKET 出品以日本標準精鋼製，堅硬、抗酸及抗菌，且易於清洗，更附有專用刷子，咁方便又環保，冇理由唔支持呀！

每枝 $89（b）

不銹鋼飲管備有光滑版，和部分磨砂兩款設計。

澳洲人手製有機棉保鮮布，底面塗上蜂蠟、可可巴油及樹脂，蜂蠟和可可巴油分別有抗菌、保鮮的作用，用後以少量溫和清潔劑清洗，大約可用 12 個月，比起用完即棄的保鮮紙，確環保得多！

25 x 25cm $90、33 x 33cm $120（c）

手執一杯很有型吧~ 但每次飲咖啡都浪費紙杯、杯套，咁唔環保，幾有型都冇用啦！貼心的台灣設計師 Curly Curly 為外賣飲品設計了這個環保飲品手提袋，共 18色選擇，買多個襯衫都唔過份。

每個 $75（d）

帶食物去野餐去旅行，我們都習慣用密實袋，係時候改變習慣了。由西班牙 Roll' eat 出品的 Eco Wraps 便可減少浪費。它比餐盒輕巧之餘，更不含 BPA，且是防水設計，以及方便清洗、反複使用都絕冇問題。

每塊 $65 起（e）

大熱天時帶飯，最怕食物變壞，這個日本製的 GEL COOL 飯盒可解決煩惱，因蓋子內置啫喱冰墊，只需在睡前將蓋子放入冰箱冷藏，早上蓋上蓋子，便可在 25度的溫度下，保持食物於 15 度達 4 小時，帶飯、野餐都十分適合。

148 x 9 x 6cm 400ml 每個 $240（f）

如糖果般的顏色至啱夏日，5色選擇。

【INFO】

U may also interest