懷舊系冰室
打卡影相啦喂！
必去 3 間最新懷舊餐廳
回憶總是美好的，而香港人又真係好鍾意懷舊！以下 3 間新開的台灣菜館、冰室同上海菜館都分別玩懷舊裝修，舊信箱舊式時鐘綠色電車場景紅色雞蛋罩燈……影相位多到數唔晒，價錢仲要唔貴，好相機先食 igers 幫襯！
時光倒流懷舊台味
餐廳名好怪，叫「1963 木十豆寸」，原來有段古，「木十豆寸」夾埋就係個「樹」字，表示呢棵「樹」「種」在建於 1963 年的樓宇中，而咁出面又真係有棵大樹喎。入到店，更是懷舊台味滿瀉︰好有七八十年代 feel 的舊椅子、舊衣車做餐、一排鐵做舊信箱、百子櫃桶，還有舊電話、舊吊燈、舊窗框等，大部分都係由台灣搵番來舊物，件件家具都有故事。
呢間店其實是火炭「Foodie」、觀塘「小時光」的姊妹店，今次一樣供應地道台菜，主要是家常款式。Lunch 供應台式三杯雞飯、滷肉飯、紅燒牛肉麵、擔仔麵等，晚餐則供應兩款套餐，有齊前菜、湯、主菜、配菜、主食同飲品，好似食西餐咁按位收費，價錢都只是 $199/位，都幾經濟。
1963 木十豆寸
地址：灣仔灣仔道 110 號中匯大樓 2 樓
電話：3105 0160
營業時間：12nn-10pm
特別搜羅不同的舊物打造這店，懷舊 feel 好出。
舊式字模
髮型屋的轉轉燈
一整排生銹鐵信箱
台式紅燒牛肉麵 $68
台式三杯雞 $80
