8 句懶有道理的分手金句
古語有云：分手要狠。但冇人想做衰人。曾經相愛一場，點都想開開心心離場。
不妨考慮用以下句子為感情劃上句號。雖然，聽到唔知好嬲定好笑～
1.大愛型
嗱，即係咁，愛一個人，不代表要佔有一個人。
2.宏觀型
世界好大，我哋點解係都要綁實對方？
3.感激型
Honestly，感謝你曾經為我帶嚟一段美好時光。
4.哲理型
你冇變，但我有；你愛嘅只係昨天嘅我，而唔係今天嘅我。
5.延續型
其實我哋大可以用另一種方式繼續愛對方。
6.自責型
你係我一生中遇過最好嘅人，但我唔配擁有呢份福氣。
7.學習型（一）
我想先學識愛自己，才去愛你……
8.學習型（二）
你令我明白乜嘢係愛，你令我上咗好寶貴嘅一課，Thx！
結語：
以上說話點講得出口？對方聽完隨時仲憤怒！其實塵世間根本就冇所謂分手金句，所以分手前敬請冷靜一下諗清諗楚；而且講到尾，兩個人咁難得走在一起，唔該珍惜！