入場前備定課！ 10 點幫你預習《異形：聖約》！
異形係乜？《異形：聖約》講乜？同上集《普羅米修斯》又有乜關係？
《異形：聖約》今個禮拜上畫，如果你冇 follow 開《異形》但又好想喺入場前知道一啲來龍去脈，呢 10 點，幫到你。
第一點：異形係乜？
首先，異形是一隻太空生物，可能比我哋多一個口，所以 keep 住流口水。首次登場，是在 1979 年，可能你仲未出世。
第二點：上集講乜？
唔排除你仲未睇《普羅米修斯》，所以簡單交代吓上集講乜：一班科學家深入外太空，一心諗住揭開人類之謎，點知好唔好彩地遇上神秘生物，最後死剩女主角同一個機械人 David。
第三點：《普羅米修斯》10 年後
《異形：聖約》故事發生喺《普羅米修斯》10 年後，一批船員駕駛名為 Covenant 的太空船，幫人類尋覓理想居所移民，點知遇上意外降落喺一個表面好靚嘅星球，但原來暗藏大量異形 BB……
第五點：女人孭重飛
秉承過去咁多集傳統，主角繼續係 woman。今集有幸同異形搏鬥的是 Katherine Waterston，亦即《怪獸與牠們的產地》女主角。剪咗頭髮，惡形惡相，分分鐘惡過 Mall 姐。
第六點：一人分飾兩隻 Robot
同樣秉承過去咁多集傳統，一定有個機械人負責搞事。今集仲有兩個㖭，一個是《普羅米修斯》的 David，另一個新加入的就叫 Walter，同樣由 Michael Fassbender 飾演。
第七點：純屬客串
James Franco 都有份演出，但，純屬客串。
第八點：初代異形孤兒仔
《普羅米修斯》最尾，咪爆出一隻貎似異形嘅孤兒仔嘅，佢名叫 Deacon，應該不會在《聖約》再出現，忘記他吧。
第九點：元祖《異形》導演
導演繼續由列尼史葛擔任。1979 年嗰齣元祖《異形》就係由佢執導，因為太成功，令當時仲係荷里活新導演的史葛，名成利就。
第十點：仲有一集前傳……
大家最關心的應該是：究竟今集結尾係咪駁得落 1979 年嗰齣《異形》？Sorry，未得，列尼史葛話要再拍多一集前傳先得。
小編溫提多一句，唔少人冇睇過《異形》而只睇過兩集《異獸戰》，竟然以為會有 predator 客串……先旨聲明，係冇。