4大港女icon 唔識嗲都有市場
留住男人個心，一定要靠嗲？以下四位成功例子，雖然只是角色，都好有參考價值！
1.余春嬌《志明與春嬌》
春嬌姐識唔識嗲？No！
志明話佢硬頸、嗌交要嗌贏，講嘢唔似得佢個 ex 尚優優（即是楊冪 ）咁溫柔，有時仲幾倔，但歷年有幾多國貨埋身，志明覺都冇揀做「國貨明」，最啱 channel 始終係性格率真又唔作狀嘅春嬌。
2.林若君《29+1》
女強人 to be 嘅林若君做咗三十年人，全天候讀書 / 工作導向，作為一個要兼顧事業又要平衡愛情嘅典型港女，喺職場上面發揮嘅女強人魅力都好得人歡心。唔少港男都好 buy 呢種外硬內軟、貌似強勢但內裏體貼嘅女仔，就好似娜姐本人，係咪正先！
3.阿寶《獨家試愛》
講緊 Stephy 定阿寶？可能連葉念琛同方力申都搞唔清，阿寶或者 Stephy 對愛情嘅執着，話一就一，話分就分，雖然唔識撒嬌，但冷漠背後流露出嘅溫柔婉弱特別惹人憐愛，唔怪得喺《紀念日》入面小方死都要追番啦。咁現實呢？唉，咪話咗仲有啲掛住 Stephy 囉。
4.阿花《狂舞派》
呢個唔使講！除咗黃修平同白只識得欣賞，大家一見到《狂舞派》阿花，明明落雨都會出太陽。有一種女仔，唔識嗲又唔係貼身膏藥，但就好似陽光咁令你成日都想黐住佢。