五一長假食買玩櫻花市集

無得飛日、韓賞櫻唔緊要，嚟緊呢個長假喺黃埔就有個櫻花市集，模仿日本花見大會，以櫻花布置成個市集，俾大家影下行下買下玩下，啱晒一家大細同拖友去玩玩食食。

話明行市集，梗係有嘢食，現場仲有檔仔即場炮製日式居酒屋小食，好似北海道松葉蟹味噌甲羅燒、海鮮甲羅盛、燒北海道帆立貝串、鯛魚燒雪糕、櫻花蝦燒餅、章魚燒、玉子燒、日本櫻餅等，唔少都係廿蚊有找，幾抵食。

鯛魚燒雪糕$19

櫻花蝦燒餅$19

芝士玉子燒$19

同場仲可以優惠價買海產 pack，好似一 pack 有齊日本廣島蠔、印度白蝦肉、美國仿皇帝蟹柳、越南海鮮釀蟹蓋加 $30禮券，只賣 $238，打了 7 折。另外，仲有好多日本新品可以試食，如北海道昆布麵、沖繩水雲、宮崎縣芒果曲奇及「日向夏」柑橘水果，試過好食可即場購買。

玩埋贏禮物

憑任何九號水產消費滿 $99 發票及Like九號水產facebook，即可參加限時食材配對或海產水域配對遊戲，贏取獎品或轉幸運輪，獎品包括九號水產開幕後指定壽司、居酒屋或日本食材專賣店禮券（價值$30-$50）、山形縣產香桃或蘋果壓搾果汁（價值$28）等。

【INFO】

九號水產花見市集

日期︰29/4 至 1/5 及 3/5

地點︰紅磡黃埔新天地

五一長假 食買玩櫻花市集