復刻美味記憶 懷舊零食飲品大檢閱

香港人都是飲這些長大的

香港早於17世紀已有汽水廠（以前稱為水房）出現，以前的人叫汽水做「荷蘭水」，汽水蓋為「荷蘭水蓋」。從 1900年開始， 多間汽水廠出現， 好似安樂水房、粵東先施公司等，較出名是屈臣（A.S.Watson's）和威建。其後，陸續有廠商在飲品市場 In and Out，或有外國品牌打入，好像珠江橋牌汽水、得寶可樂（Double Cola）、特麗可樂（Diet BiteCola）、寶利汽水、綠寶等，後來因為種種原因先後停產或退出香港市場。要數另一個百花齊放的時期是七八十年代，不同製造商推出多?品牌汽水，像可口可樂和旗下的雪碧、芬達；百事及旗下的美年達、七喜；還有玉泉、維他……加上當時有聲有畫的廣告設計，歌曲、口號將品牌形象打入民心，相比現時的汽水飲品，感覺熱鬧和深刻得多了。以下咁多枝汽水，你飲過邊枝？

由右開始數起分別是，七喜玻璃裝汽水、維他375毫升膠樽、舊版玻璃樽汽水、60至70年代的維他奶樽、後期新式維他奶樽、美年達（Mirinda）及舊玻璃樽裝百事（Pepsi）

土炮另類飲品，除了主流大牌外，香港原來不乏土炮樽裝飲品，它們不是汽水，而是家常不過的飲品。好像「百合」紅豆沙，在 70 至80 年代初出品，推出年期很短。以玻璃樽盛載，外型似足汽水，仲配一枝粗飲管，方便啜紅豆。因為容易變壞，有時飲起來會苦，不過當時的士多老闆很易話為，會換過一枝畀你。

汽水的快樂回憶關於飲品的記憶還有——揭蓋掩！原來最早期的汽水蓋內是水松，後期才轉為膠蓋掩。汽水商為增加吸引度和銷量，除了廣告宣傳外，仲出動獎品攻勢，抽獎、揭蓋掩換禮品最常見。話說五六十年代物資短缺，獎品多是玻璃杯，讓人用來載汽水飲；七八十年代，每次開汽水，第一件事不是啜一啖，而係睇下有無中獎！

-------------------------------------------------------------------------

飲一口，重拾青春歲月 — 陽光

如陽光~伴我~清新笑迎面……一盒復刻版檸檬茶，喚醒塵封 30 年的青?歲月。見復刻包裝一

陽光檸檬茶在 3 月推出復刻版時，網上一度瘋傳 1987 年由鄭伊健和 Yvonne Yuen 的電視廣告，昔日青春、校園、戀愛情懷滿瀉。（網上圖片）

售賣點：
‧各大超市和便利店‧電話：2636 7000
‧註：飲品價錢視乎零售商略有不同

------------------------------------------------------------------------------

飲一口，重拾青春歲月 — 綠寶橙汁

講綠寶，印象最深刻當然係「入半島，飲綠寶」?經典廣告！仲有?句「買樽裝綠寶， 正真味！唔谷氣！無得比！」的口號！近代?又有首歌，最尾一句係「綠寶帶畀你，清新感受！」你記得嗎？

而要數最「跨年代」的汽水，綠寶一定榜上有名！阿爺阿爸阿媽到我到細佬妺都幾乎飲過！都係 classic 橙身綠色 logo，但原來數十年間，綠寶在香港已幾度轉手。直至 80 年代，當時的代理「淘化大同」（即淘大醬油因為想集中火力做醬油而放棄綠寶。自此，香港沒有自家出產的綠寶橙汁。現在市面買到的，是泰國生產的綠寶。仍然是綠色圓形 logo，但樽身明顯細小，修修長長，畢直?條，以往手握位的磨砂玻璃變得平滑幼細，手感大不同；味道呢？雖然飲完條?無變橙色，但那朕假橙味如一，而且甜度減少，感覺清新不甜膩，同以前一樣，唔會飲到谷氣（雖然普遍認為綠寶是汽水，但其實當中係無氣的）。管它是港產還是泰國產，閉上眼，一口接一口的啜，都好有 feel。

綠寶曾推出紙包裝，不過而家都絕跡了。（網絡圖片）

售賣點  — 美樂雜貨店

‧地址：荔枝角青山道 500 號百美工廠大廈 12 字樓 C 室

倒插汽水沙冰 潮爆昔日味道

在相機食先的年代，飲品唔單止要好飲，賣相仲要夠爆。呢幾杯飲品夠爆吧！其實玻璃樽裝維他奶和汽水公認比紙包和膠樽裝好飲，「香港地」再玩大?，唔單止用來配沙冰，仲倒轉、傾斜再插進沙冰內奉客！

點樣可以做到倒轉、固定又唔倒瀉？原來店方訂製?一個膠托，放在杯子上承托?樽身，當然飲品分量要調校得??好，先用 1/3 枝用來調製沙冰，餘下的用來倒插。以為好簡單，廚師們經過不斷試驗、調校才做出這「高難度」動作。

飲品有 4 款，每款都配上味道搭調的沙冰。維他奶與紅豆冰是絕配；忌廉，當然是溝鮮奶沙冰才有懷舊feel，加入?呢?雪糕一齊打，香甜濃厚；芬達配鮮橙菠蘿沙冰，充滿夏日風情；雪碧則配檸檬士啤梨沙冰，仲食到粒粒果肉。一邊飲，在樽內的汽水不斷倒進杯內，飲極都仲有，師傅話一杯普通凍飲大約有 16 安士，呢杯倒立汽水 + 沙冰足 24 安士，抵飲啦！

(左一)  鮮奶冰配枝裝忌廉

沙冰以鮮奶加一球?呢?雪糕打成，滑溜之餘仲好香，係升級版忌廉溝鮮奶。$34 

用鮮橙和菠蘿肉加菠蘿糖漿打沙冰，酸酸咪咪很富熱帶氣息，同芬達好 match。$34

紅豆沙冰以大粒紅豆加忌廉奶和維他奶打成，香甜幼滑，有沙沙質感；配荳奶膩感和甜度減低，好飲。$34

香港地