玩具就係香港本身的傳奇
呢排經過尖東，無理由無去過最Hot嘅香港歷史博物館「香港玩具傳奇」展覽﹙無入過去都至少有同門口果幾排星戰『白兵』打過咭掛……﹚展期去到五月十五日咋，未去嘅朋友要把握機會呀！
展場門外嘅 Star Wars 白兵，相信打開facebook總見到有朋友upload。你自己又集咗郵未？
其實，今次展覽除咗門外威風凜凜的白兵列陣外，仲有唔少精彩景點，包括草地上嘅大型鴨鴨池，高過你同我嘅Gundam、Ironman、Transformers、懷舊玩具專區、芭比娃娃歷史玩具系列、換裝紙娃娃、煮飯仔、機械人、鐵皮玩具和公仔紙等等，大堂更化身成為「玩樂區」，大、小朋友都一定唔會悶。
今次展覽嘅玩具橫跨一個世紀，相信無論係咩年紀嘅市民，都可以响展場入面搵返屬於自己嘅童年回憶，由古早玩具好似彈叉、竹筒水槍、鐵皮玩具、塑膠兵仔、合金車仔、洋娃娃，到伴著中生代成長嘅遊戲機，以至已為人父母的 Kidult 們最愛的 figures，都可以响展覽搵到。就算三代同堂一齊去參觀，都唔會悶親大家，大家各自各精彩！
鐵皮玩具，最先歐美為主要出口地。戰後日本和中國則成了出口大國。
博物館大堂化身成為「玩樂區」，提供多種新穎、刺激同埋鼓勵創意嘅玩具，俾大、小朋友盡情享受玩具嘅樂趣。呢個區平日都好熱鬧！
場外仲有小朋友一定識嘅卡通火車Thomas & friends。
原來經典黃鴨係香港最早期出產的塑膠玩具，呢片大型鴨鴨池就有超過4000隻黃鴨響草地度游游游。
今天無人不識嘅忍者龜，最初闖出名堂原來都係香港彩星公司嘅傑作。
玩具潮流深受電影和卡通影響。展場設有專區，將不少香港人熟識嘅歐美同日本潮流角色玩具大曬冷。
展覽設有洋娃娃專區，仲有唔同年代嘅Barbie添!
其他精彩活動
玩具同樂日
日期：4月15日(周六)和16日(周日)
內容：多個遊戲攤位，包括機械人大決戰、射擊遊戲、巨型棋盤挑戰等
參加辦法：參加者須繳付專題展覽入場費
反斗玩具夜
日期：5月6日(周六)、5月13日(周六)
內容：戲劇表演、設計工作坊、尋寶遊戲等親子活動
參加辦法：參加者須年滿6歲，並須於4月21日下午5時前於網上報名。名額先到先得。
香港玩具傳奇展覽
展覽日期：即日起至5月15日
開放時間：平日上午10時至下午6時
周末及公眾假期上午10時至晚上7時
星期二（公眾假期除外）休館
入場費：標準票$10元 團體票$7元 優惠票$5元
博物館通行證持有人免費入場
地點：香港歷史博物館（尖沙咀漆咸道南100號）
查詢電話：2724 9042
博物館通行證
康文署亦有提供博物館通行證，持證人士於一年內可無限次參觀常設和專題展覽，更可省卻每次排隊買票的時間。家庭通行證100元、個人通行證50元、優惠通行證(全日制學生、殘疾人士、60 歲或以上高齡人士25元。
Source：康文署