留港消費 復活節 3 大好玩酒店 Package
1. 小朋友大放電 玩遊戲食大餐!
香港黃金海岸酒店親子活動一向搞得有聲有色，復活節亦推出親子樂住宿package， 即日至 4 月 23 日，只需 $1188 起便可入住海景客房、享用自助早餐同參與多項復活節慶祝活動，想特色啲，仲可入住主題房，小朋友實開心！
小朋友大把咩玩，check in後首先收到瑞士蓮朱古力、耳朵頭飾做welcome gift，之 後可同爸媽去酒店花園玩障礙賽、復活節幾乎必玩的尋蛋遊戲、戶外充氣彈床、水動 樂園等，更可到去年尾才新落成的 kids club 鯊魚冒險島，玩盡大滑梯、小彈床、 搖搖獨木橋、攀石牆等遊戲，紅假幾日仲有戶外影院，第二日仲可參加曲奇 workshop，節目超豐富！
住宿 package 包自助早餐，晚市則可另外自費以優惠價享用東南亞主題自助餐或到 扒房用餐。扒房除了可散點，假期亦推出 Brunch Buffet，成人 $568、小童 $348， 食盡回本波士頓龍蝦、法國蟹、亞拉斯加蟹腳、藍青口、燒美國牛肉、多款復活節限 定的蛋菜式同甜品等幾近百款美食，仲包埋 free flow 紅白餐酒、汽酒、sangria、 果汁等飲品，場內還設Live Band表演，夠晒盡興！
【INFO】
香港黃金海岸酒店
查詢： 2452 8833
備註：(1)香港黃金海岸酒店親子住宿計劃：4月8日至4月23日 (2)價錢：每晚 $1,188 起(4月14至16日$1,788)，包括豪華海景客房一晚、自助早餐 (2位成人及1位 小童)及各項主題活動
2. 沙灘掘蛋上古帆船體驗
復活節，外國流行玩 Egg Hunting，香港也有大型 Egg Hunting 活動，就在愉景灣 沙灘。因此，復活節來愉景灣酒店就最多嘢玩。首先，包你一張「沙灘獵蛋奇兵」入 場券，大人同小朋友可以在沙灘齊齊掘蛋玩番餐。
返到酒店，仲可以玩埋復活節歷期活動，好似充氣樂園、睇泡泡表演，仲可以上埋香 港僅有嘅歐洲 style 古典帆船參觀，親身上一堂歷史課。當然，仲可以用埋酒店泳 池同遊戲室。
酒店住宿包自助早餐同自助晚餐，buffet 無做特別主題，但以環宇海鮮最吸引，包 括鱈場蟹腳、法國麵包蟹等。另有特別為小朋友而設的美食區，有齊小朋友最愛的小 食，仲可以自己 DIY 兔仔棒棒糖。
【INFO】
香港愉景灣酒店
查詢︰2295 8288/ reservations@aubergediscoverybay.com
3 日 2 夜「復活節沙灘獵蛋住宿」$ 4,488 起 (4 月 13 至 16 日期間)
- 包 2 晚山景客房、每日自助早餐、 復活節自助晚餐一次、「愉景灣沙灘獵 蛋奇兵2017」入場券 1 張、免費酒店復活節歷奇活動
3. 千頭平平地市區住番晚
平平地住番晚，可以考慮位於汀九的帝景酒店，住一晚只係 $1,398 起，好經濟。呢 度仲有主題房，好似跑車、海洋、太空、足球主題，小朋友一入房已經超興奮。
復活節期間，仲有好多嘢玩，好似水上搖船、吹氣彈彈床、VR Game，仲有經典懷舊 遊戲，如百發百中、糖果方塊及?中老虎牙，真係連大人都想玩！當然，唔少得有獵 蛋樂遊戲應下節。
復活節期間，buffet 以色彩行先，玩視覺效果，好似鮮茄芝士焗蠔、白酒煮青口、 三文魚三文魚籽丼等，仲有兒童自助餐專區，準備一系列小朋友喜愛的美食，好似迷 你板燒雞漢堡包、茄汁海鮮長通粉、炸薯條等。每位小朋友亦可獲精美禮品一份。
【INFO】
帝景酒店
查詢及預訂：(852)3716-2898 / fb@royalview.com.hk
玩樂‧滿「FUN」住宿計劃 $1,398 (4月14–17日)
包入住山景客房 1 晚、2 位成人及 1 位小童下午茶自助餐及 2 位成人及 1 位小童 翌日自助早餐、滋味派對美食製作班 、攤位遊戲券 1 張、使用泳池及遊戲室﹔享用 助晚餐可享 85 折