霸氣食雞翼法！名古屋夢幻雞翼

名古屋出名食手羽先，即係你哋都好鍾意嘅雞翼！喺日本有 35 年歷史嘅「山ちゃん」，有款拎晒獎、每月賣逾 3 萬隻嘅「夢幻雞翼」！餐廳最近於銅鑼灣開分店，帶咗幾款新菜式，全部都係名古屋必食推介。

Text : Jessie

Photo : Brian

於日本全國及海外總共有 75 間店嘅「山ちゃん」，以一道夢幻雞翼聞名！餐廳早年落戶尖沙咀，最近於銅鑼再設分店，當然唔少得招牌夢幻雞翼坐鎮。

夢幻雞翼 $48/5隻

呢款由山ちゃん獨創的夢幻雞翼，拎過雞翼大賽（手羽先サミット）2014的金賞店及2016的Grand Prix賞及第五屆唐揚Grand Prix (からあげプランプリ)最高金賞，絕對是實力派。餐廳棄用日本名古屋出產嘅雞種，改用 size 大啲嘅泰國雞。雞翼以攝氏 180 度熱力炸 2 次，外皮香脆，但肉汁仍能保存！加上由 10 種不同調味料調製而成嘅獨家醬汁，味道鹹香又帶黑椒香味，用嚟佐酒最啱！