壽星免費！ 3 個慶生自助餐

薈景

日式料理百款美食

位於灣仔會展內的自助餐廳薈景出名多嘢食，閒閒地真係有過百款食物在自助餐枱出現。3、4 月的壽星仔女同 3 個朋友一齊慶祝，自己就可以免費食。一日前預訂，仲送你一磅裝生日蛋糕。

凍海鮮 counter 好澎湃

每位客人奉送一客磯煮鮑魚

呢期佢地做緊日本主題自助晚餐，每位客人先送一客磯煮鮑魚，有完整鮑魚一隻，頗有睇頭。刺身除了三文魚、黃鰭拖羅、北寄貝、象蛂蚌、油甘魚等，呢期仲有樱花平政魚薄切。另外亦帶來東京人氣吉列牛、港人大愛的蒲燒鰻魚、穴子豆腐等，當然仲有長期供應的台柱，包括法式海龍皇湯、香煎鴨肝、鐵板香煎大蝦、冰海鮮等，全部都係香港人愛吃的 buffet items，唔怪得個個都話食到捧著肚子走。

日式吉列牛

甜品包括日式和西式選擇。

【INFO】

薈景

地址︰灣仔港灣道 1 號香港會議展覽中心 4 樓

訂座︰2582 7250

供應時間︰6:30pm-10pm

收費︰星期一至四 成人 $608，小童/長者 $338，星期五、六、公眾假期及前夕 成人 $658、小童/ 長者 $368

備註︰1. 生日優惠適用於 4 人或以上以成人正價惠顧。2. 星期日至四 1-5位 8 折，6-18位 75折，星期五、六 8 折。3. 生日優惠不可與折扣優惠同時使用。4. 優惠期至 4 月 30 日

雅苑座

免費食自助餐送蛋糕及現金券

雅苑座推出的全新鮑魚自助餐，主打的當然是多款鮑魚菜式，以智利鮮鮑入饌，包括日式鮑魚凍批、泰式鮑魚沙律、即製鮑魚手卷、鮑片花膠配鴨腳、日式鮑魚釜飯、鮑魚鍋粑、焗鮑魚海鮮炒飯、鮑魚海鮮茄汁長通粉及鮑魚海鮮粟米羹等，每位客人仲可以獲得一份酥皮焗鮑魚。

即製鮑魚手卷

每人送酥皮焗鮑魚

3、4 月推出生日優惠，首 100 名訂座的壽星仔女可免費品嘗自助晚餐，更可獲得帝苑餅店 $100 現金券 1 張及一個蛋糕。餅店的蛋糕固然有水準，款式精緻，不可錯過的當然是酒店招牌蝴蝶酥。最特別是呢度仲有 live band，即場為你唱生日歌，超好氣氛。

自餐助中的甜品也有水準。

$100 coupon 最好用來買盒蝴蝶酥回家慢慢歎。

【INFO】

雅苑座

地址︰尖東麼地道 69 號帝苑酒店 3 樓

訂座︰2733 2030

供應時間︰星期日至四及公眾假期 6:30pm-10pm，星期五至六及公眾假期前夕

  6:30pm-9:45pm

價錢︰星期一至四  成人 $568 /小童 $458，星期五至日、公眾假期及其前夕

成人 $648 /小童 $498

備註︰1. 生日優惠適用於 4 人或以上以成人正價惠顧。2. 免費優惠只限首 100 名生日客人訂座

City Café

海鮮自助餐送焗響螺

位於油麻地的城景國際酒店自助餐餐廳 City Café 於３月推出全新「蝦螺滋味‧海鮮自助晚餐」，以一系列有機鮮蝦及法國田螺為主打，美食推介包括法國蝸牛海膽焗鮮蠔、酥炸法式田螺有機虎蝦雲吞、阿拉斯加蟹腳鮑螺絲清酒啫喱凍、西班牙黑毛豬伴鮑螺北菇等，仲有美國及紐西蘭生蠔、鱈場蟹腳、布朗蟹、荷蘭藍青口、澳洲凍蝦任食，每位客人送焗釀響螺一客，甜品仲有 Movenpick雪糕。生日客人可於當月惠顧更尊享免費自助晚餐。

每位送焗響螺一客

甜品除了有出名貴價的 Movenpick 雪糕，今次仲有大量綠茶甜品。

【INFO】

City Cafe

地址︰九龍窩打老道 23 號城景國際 1 樓

訂座︰2783 3287

供應時間︰6:30pm-9:30pm

收費︰成人 $398、長者 $328、$248

備註︰每 4 位惠顧客人，1 位當月生日客人可享免費自助晚餐