星期三最著數 $200 樓下酒店自助晚餐！
要揾個 $200 樓下酒店自助午餐食都唔易，更何妨係自助晚餐？呢間酒店就係咁筍，逢星期三自助晚餐大人細路齊齊半價！折咗成人只係 $174，抵過食自助午餐啦！
酒店 3 月開始正做「味遊湄公河」自助餐，供應菜式圍繞河流流經的中國、緬甸、老撾、泰國、越南等地，東南亞味濃，好似越式生牛肉河、泰式冬蔭功、囉惹沙律、青檸葉烤魚、泰式燒雞……好啱香港人口味。
▲泰式冬蔭功
▲越式生牛肉河
▲仲有好多熱葷如四川辣子雞、緬甸甜酸肉等都好有特色。
▲當然唔少得自助餐必搶的海鮮冷盤，蟹腳、青口、翡翠螺係必食。
▲甜品以小巧為主，除了泰式糕點，仲有小杯朱古力慕絲、木糠布甸同朱古力噴泉等。
▲星期三晚來食當然最抵，但原來成個 3 月都做緊 7 折，另外星期六自助午餐除了有 7 折，一個大人仲可以帶一個 3-11 歲的小童免費食自助餐，一家四口來食，只係俾 $400 左右，抵！
【INFO】
諾富特東薈城酒店
地址︰東涌文東路 51 號酒店大堂
電話︰3602 8808
收費 highlight︰
星期三「自助晚餐半價」成人 $174、小童 $139
星期六「自助午餐小童免費」成人$201.6、小童 $159.6 (免費)
除星期三外，所有自助餐 7 折優惠，另設加一
