Mi，就是型。
睇咗Sammi concert未？我未，因為買唔到飛。惟有匿喺屋企，狂煲Sammi專輯——原來Sammi歷年來除了唱咗大量好歌，更提供過不少難忘造型，唔敢話後無來者，但肯定統統走在當時潮流尖啄，而最難得是，今時今日睇番都震撼好睇。Sammi，係型嘅。
《Never Too Late》呢個準備去Ball貴婦造型，當年好多人都話影到Sammi太成熟，梗係啦，當時Sammi得廿歲女咋。型可能談不上，但雍容喎！而且呢隻專輯堪稱Sammi轉型女形象前的代表作。
一首《Chotto等等》，Sammi正式成為快歌歌后，《快樂迷宮》上的她，呈現了一種清新的型。
《大報復》黑撞白，型得嚟簡約，簡約得嚟型。
《失憶》絕對是Sammi另一首經典快歌。你唔記得？你應該點都記得呢個頭戴皇冠的Sammi吧。
古語有云：熱愛島有熱愛草，熱愛草造熱愛帽——而唱《熱愛島》就需要染金毛。金毛Mi正式誕生！同碟仲有在當年題材上相當踩界的《十誡》。
今有韓風一字眉，古有 Mi 式 Nike 眉！
轉公司推出《捨不得你》及《放不低》後，Sammi在造型上也漸趨成熟穩陣，但千禧後《Shocking Pink》上的那個極度close up，勁吖！
時易勢易，型再不止於造型勁唔勁，更多時在於feeling，就好似呢個sporty造型，便很型。
如果各大銀行分行真的有鄭經理教我banking，我諗我會成日去銀行搵佢talking。