花兒也謝了 3大方法處理年花!
新年已經告一段落，逃過姨媽姑姐嘅一連串追問後，又要面臨另一個難題⋯之前滿心歡喜買咗一堆年花，等到花兒也謝了⋯應該點處理呢？丟棄唔止浪費仲好唔環保！今年新年同聖誕咁接近，一堆堆嘅花花樹樹緊接住咁運入去，堆填區表示好大壓力~！而家就等我地過你幾招~教你點樣環保地處理呢啲年花啦!
延續生命的價值
開過花嘅水仙，其實頭莖嘅養份已經耗盡，好難再開花～大家不仿將頭莖切碎，放入密封罐幾日，等佢發酵後再同其他花泥混埋一齊，做成「有機肥」！
將年桔嘅果子摘唒之後，留底啲軟枝，唔需要修剪，一年四季都會開香香嘅桔子花～！而摘咗嘅年桔，就可以加工做成咸柑枯或者環保酵素~
定格生命的燦爛
想保存年花最燦爛嘅一刻？無問題！將佢地全部變成乾花啦！嫌傳統整乾花嘅方法太慢...不如試下用熨斗！只要將花朵夾喺報紙同廚房紙中間，再用熨斗用力一壓，大約2分鐘，就可以抽乾花嘅水份，變成靚靚押花～整押花產品！
年花回收
如果唔想麻煩做後制，都可以將年花攞去回收！香港現時都有唔同嘅地方同埋機構會回收年花嫁!!