率先睇新春巡遊巨型版 LEGO 花車真身！

1. 花車上 20 個 LEGO 人偶 = 20 種行業 

唔講唔知，LEGO 花車上共有 20 個 LEGO 人偶，Tina 解釋，每個人偶原來是代表 20 種不同行業，同時寓意慶祝香港回歸 20 周年。人偶包括有廚師、DJ、歌手、侍應等等，表達香港商業社會。擔心花車太大架睇唔曬人偶，這方面大家可以放心，事關 Tina 表示，人偶會分散遍布在花車四周，大家至少點都見到 10 隻（笑）。

2. 花車為普通 LEGO 模型 20 倍

到底今次花車有幾大？Andy 表示，花車長 8 米、闊 3.3 米、高 4 米，足足用了一個半月才砌好，果然巨型過巨無霸。至於今次的花車更有真實模型可作參考，Andy 表示，花車跟模型的比例為 20 :1，要砌出放大 20 倍的花車，聽到都覺得有血有汗。 

3. 香港歷來最大型 LEGO 雕塑

Andy 本身有替香港 LEGO 方面設計過不少巨型和特色 LEGO 雕塑，但他也表示，今次是他砌過歷來最大型的 LEGO 雕塑。「更大分別是平時的雕塑是靜態，但今次的花車是動態，沿住尖沙咀巡遊，故此今次在設計花車時，更需要顧及安全風險等問題，例如今次砌的 LEGO 就比平時的密度高出 2 - 3 倍。」 

4. 淨巨型公雞 LEGO 負重達 600 磅

到底一輛由 LEGO 積木砌成的花車，可以幾有分量？ Andy 提供了部分數字給大家參考。「單以公雞計，它已重達 500 - 600 磅，至於財神也有 200 - 300 磅左右。」嗱，未計其他部分，不過已經感覺到它的重量係勁嘅（汗）。

5. 非 100% 花車由 LEGO 砌成

始終要考慮到重量和安全問題，故此花車實際上並不是百分百所有部分由 LEGO 積木砌成。Carl 解釋：「好似剛剛提起嘅 20 個 LEGO 人偶，其實就是由玻璃纖維製成，不過花車最主要部分，包括公雞、財神、桔盆栽和『福』字揮春，都是用真實 LEGO 積木砌成。」

香港 Lego 專業認證大師洪子健（右）身旁的巨型公雞頭，就是屆時花車展示的巨型 LEGO 部分。左邊為香港旅遊發展局代表曹天麗，中間為製作公司代表何嘉豪。

LEGO 花車的部分真身部分，包括財神和雞身，Andy 表示，礙於香港空間問題，如何平衡安全、重量、設計三者。

縮細了 20 倍的新春 LEGO 花車，望到都覺得頂癮。

今次花車巡遊所展示的 LEGO 公雞，原來是以這款今年才推出的亞洲限定版公雞 LEGO 為藍本。

另有縮細 20 倍的財神和桔盆栽兩部分，給大家望梅止渴。

洪子健（Andy）為香港 Lego 專業認證大師，目前全球只有 13 位大師，Andy 更是大中華區唯一一位。

【INFO】

2017 國泰航空新春國際匯演之夜

日期：1 月 28 日（星期六，大年初一）
時間：8pm - 9:45 pm
地點：開幕典禮於尖沙咀文化中心廣場舉行
觀眾席入場票價：$300、$450、$480
注：門票即日起於尖沙咀天星碼頭「香港旅遊發展局旅客諮詢中心」有售