5 個紫薯 Yes or No
1. 紫薯的營養價值會唔會高過番薯？
YES！紫薯最獨特之處，係含有豐富的花青素。花青素有極強的抗氧化功效，有助抵自由基對細胞的破壞，並可助抗衰老，對維持視力和心血管健康也有幫助。當然啦，番薯的優點，紫薯都有，它含有豐富的維他命和礦物質，包括胡蘿蔔素、維他命 B 雜、鉀質等，同時亦是高纖食物，營養價值超高。
2. 咁紫薯係咪愈深色愈好？
YES！紫薯顏色愈深，所含的花青素愈多，抗氧化能力亦愈高。
3. 紫薯控食太多紫薯對身體有無害？
NO，基本上無大礙，不過紫薯的澱粉質豐富，食太多會因為攝取過量碳水化合物而令血糖大大提升，換句話說亦容易致肥！加上紫薯纖維多，食得多容易產生脹氣，導致腸胃不適。
4. 烚紫薯會唔會有益啲？
YES，花青素可溶於水，而且不耐高溫，所以會隨着水煮或長時間高溫烹調而流失，營養價值減低；所以將紫薯原個蒸或焗，並連皮食，就可以攝取最多營養素。
5. 揀紫薯小食，係咪愈紫愈好？
NO，首先，用真紫薯製作的，營養會保留得較好，但最重要係留意紫薯的分量，如在食物標籤或成分表中排得愈前，就代表紫薯分量愈多。一些小食如蛋糕沒營養標籤，則可選擇那些以紫薯蓉製作的。每 100 克紫薯有大約 5 克糖和少於 0.5 克脂肪，如果小食的脂肪和糖份總含量過高，就代表已額外添加過多的油和糖。
