韓國蜂巢果汁登陸銅鑼灣！

去過韓國就知，除咗有5 步一間 Coffee Shop 之外，仲有開到周圍到係嘅蜂巢果汁店！最近行過銅鑼灣，發現呢間原裝正貨終於殺入香港！不過因為香港店無位坐、只做外賣，所以唔跟韓國叫「Beesket」，改叫「bexp.」，有express嘅意思！香港分店負責人表示，bexp.暫時只得香港有！

Text：Jessie

Photo ：Brian

雖然店名唔一樣，不過店內的運作100%跟足韓國。果汁店以現打果汁做主打，分別有Original 及 Squeeze 兩種選擇。前者是新鮮生果加冰粒，以及 2 安士韓國空運的菠蘿酵素，以攪拌機打成，質地飲 Smoothie 又可以咬到果肉。

Squeeze 則是用慢磨機打成的 100% 蔬果汁，無加糖、水稀釋，果味濃郁！

揀好要Original 或 Squeeze 後，可以拎設相應嘅蜂巢，自行配搭至啱口味嘅果汁，最多可以揀 3 款蔬果。

店內的蔬果選擇總共有 32 款，每日會按生果的新鮮度揀出最 fresh 的 19 款供選擇。蔬果屬大路選擇，蘋果、提子、橙、奇異果、士多啤梨等，比較特別啲有羽衣甘藍、西蘭花及牛油果。仲有必試嘅韓國黃金梨，多汁又夠甜，是百搭之選！自問有選擇困難症嘅，店內都有預設好的果汁配搭，又有乳酪及奶醋系列畀你揀。遲啲仲有加入咖啡、酥皮包點及 Detox 果汁！