簡單易整 Picture Wall 靚相唔再收收埋埋
過完聖誕、新年，嚟緊又到農曆年，同家人朋友開 party、食飯，甚或趁假期去旅行，梗會影埋唔少靚相，與其 save 喺 hard disk 度不見天日，不如精選啲靚相，喺屋企自製一幅 picture wall，可時刻重溫開心時刻，亦成為屋企獨一無二的特色牆，以下搜羅了不同款式的 picture wall，仲唔快啲 look 落去攞靈感！
text/ Ceci
photo/ Paul，部分來自 Pinterest
將生活照與喜歡的畫作結合，成為夠晒特色的飯廳裝飾。
在電視機背牆密集式的掛上照片，重點是以黑白相為主，就有型得來，又唔會眼花繚亂。
樓梯以往只是過渡間，掛上了相片，令行樓梯更賞心悅目。
書枱前掛兩條繩，隨心夾起與朋友的點滴回憶，不用鑽牆，而且可經常換相，夠晒方便。
在牆身裝上 U 形層架，便可隨意地擺放照片，更可隨時換相。
以簡單的材料，便可自製富有幾何感的照片掛飾。
進階版的，可在牆上隨意地在牆上翹上繩子，再夾上照片，靚係幾靚，但大前題是係願意在牆上揼咁多口釘囉～
相唔一定每張清清楚楚，留有分隔位，以靜物風景作背景，再於上面左拼右湊相片或名信片，一樣充滿藝術感！