5 大著數 Brunch 兒童免費食！
捱到星期六日，做人阿爸阿媽的都想抖番下，食個 Brunch 無疑是都市人的 weekend 模式。不過，一家三口去食 brunch，同食 buffet 一樣咁利。今次，特別介紹以下 5 間 brunch，竟然將「兒童免費」的門檻大大提高，部分餐廳連 12 歲都可享 free brunch，三人同行，淨俾兩個大人錢，當堂抵晒！
灣仔
大押內鋸扒
灣仔地標和昌大押活化後成了英式餐廳 The Pawn，可望到叮叮來來往往，2 層的餐廳與酒吧分別供應不同的 Brunch。1 樓 Botanicals 供應 light brunch，2 樓的 Kitchen 供應的 brunch 則比較豐富。先來 4 個頭盤 for sharing，以 Lobster macaroni cheese 最吸睛，主菜 4 選 1，除了有 brunch 鐵膽 poached egg 和 英式早餐，仲可以鋸塊西冷或者點雞，最後仲有十多款甜品結尾，大滿足！每位成人可帶同一位 12 歲或以下兒童免費享用，小朋友仲有自己 kids' menu，可選一道菜一款飲品同埋食勻十多款甜品，都唔少嘢！
Kitchen 的格局比較 formal，有不少圓枱，好啱 weekend 聚首。
Macaroni cheese 加入龍蝦，好吸引！
甜品中的 waffles 大件得來入口鬆軟。
The Pawn
地址︰灣仔莊士敦道 62 號 2 樓
電話︰2866 3444
Set Brunch at Kitchen︰星期六及日 12nn-3pm，成人 $498/位 (任飲汽水、果汁、smoothies)，加$100 任飲 Moet & Chandon 香檳、紅白酒、啤酒等，設加一
備註︰12 歲或以下兒童免費
中式 Brunch
請埋坐帆船
坐中式帆船「張保仔」遊維港不是新鮮事，但消費唔平，今次歎胡同呢個 Brunch，免費請你坐係咪幾吸引？依家只要星期六或日，到胡同享用Brunch，用餐前或後 15 分鐘可乘船暢遊維港。雖然 15 分鐘短咗啲，但相比要每位俾 $130 坐 45 分鐘來說，呢個甜頭都唔錯。不單止，只要小朋友是 12 歲或以下，每位成人可帶同一位免費享用！胡同 sell 北方口味中菜，點心、北方前菜熱葷湯麵飯同甜品都可任食，另可自選一款主菜如金沙釀蟹箝、炸牛肋骨，主菜想吃烤鴨的可以加 $148 柯打半隻，加上胡同位於北京道 1 號，有海景 view 又裝飾得古色古香，喜愛中式 brunch 的朋友可試試。
「張保仔」以中式舊帆船翻新，大人小朋友都好值得坐下。
Brunch 備有多款北方包點任食。
胡同裝修得古色古香，仲有無敵靚景。 胡同
地址︰尖沙咀北京道 1 號 28 樓
電話︰3428 8342
「豐味」brunch︰星期六及日 12nn-3pm，成人 $428/位 (不含飲品)，加 $100 無限添飲無酒精飲品，加 $200 無限添飲酒精飲品，設加一
備註︰12 歲或以下小童免費，可於用餐前或後乘坐張保仔，時間可跟餐廳查詢
任食可持續海鮮
Fish & Meat 喺雲咸街，環境係幾舒服，晚市價位亦有番咁上下。這個只於星期日供應的 semi Brunch buffet，每位成人 $390，不過留意，11 歲或以下的小朋友係唔收費！不過，小朋友只可任食冷盤 buffet、多士 station 同 pancake，主菜係大人先叫得。呢度供應好多可持續海鮮，任食冷盤有法國 Baywater Wild 生蠔、澳洲藍青口、老虎蝦等，意式多士 station 仲可以自己揀材料整 bruschetta 多士，大小都係任食。成人食到咁上下可叫主菜，招牌魚的選擇最多，不過，第一次來推介自家製煙燻三文魚，招牌菜有原隻燒法國春雞，但就要加 $150。最後，成人仲可以叫多個甜品再任食 Pancake，歎足 3 粒鐘。
原隻燒法國春雞，分量一啲都唔細。
環境都幾闊落，假日有好多鬼都鍾意來幫襯。
Fish & Meat
地址︰中環雲咸街 32 號 1-2 樓
電話︰2565 6788
供應時間︰星期日 11:30am-2:30pm
收費︰成人 $390/ 位 (包咖啡/ 茶)，設加一
備註︰1 位付全費成人可帶同一位 11 歲或以下兒童免費享用，每最多 2 位小童免費。
尖咀靚景
食肉獸 Vs 海鮮怪
位於 The One 21 樓的 Wooloomooloo Prime 擁有無敵景緻，本來已是吃 brunch 的好地方，假日有不少年輕家庭聚首，氣氛 casual。呢度個 brunch 都好抵食，$398/ 位，可選 2 款頭盤、湯、主菜及甜品，分量幾大碟。Brunch menu 做緊 「Cow & Crustacean」主題，有多款牛肉同甲殼類海鮮，好似生蠔、龍蝦、扇貝等。星期六仲有特別優惠，1 位成人可帶同一位 10 歲或以下兒童免費享用。小朋友可以點兒童餐，包一款主菜同一款甜品，主菜都是小孩恩物，包括 burger、fish & chips、意粉等，最後來大大杯雪糕，好飽呀！
有圖有真相，高空 view 超開揚。
食肉獸主菜可以鋸扒。
海鮮怪頭盤可選生蠔或者帶子。
甜品︰蘋果批伴雪糕Wooloomooloo Prime
地址：尖沙咀彌敦道 100 號 The ONE 商場 21 樓
電話：2870 0087
供應時間：逢星期六、日及公眾假期 12nn-3pm，成人 $398/位，加 $100 享用 2 小時果汁及汽水任飲，加 $200 可任飲紅白酒、啤酒及意大利汽泡酒，設加一。
老蘭葡式 Brunch Buffet
呢間位於蘭桂坊酒店的葡萄牙餐廳，做的是傳統葡萄牙菜，以往供應開 semi brunch buffet，已經好受歡迎，最近將 Brunch Buffet 升呢，變成全自助，食物款式亦增多，必食的有葡式冷盤、葡式烤乳豬、葡式焗鴨飯、燒雞等，還有一系列馬介休菜式和葡式甜品。每仲送你時令生蠔、白酒煮蜆同火焰葡國腸。依家 8 歲或以下小童都可免費享用呢個 buffet。提一提，餐廳仲有間兒童房 set 好晒俾小朋友玩，小朋友自己玩，大人可以慢慢歎！
葡國燒乳豬咁出名，今次在 brunch 中可任食。
每枱送一客席前燒葡式燒血腸。
餐廳布置得好有葡萄牙色彩。
Casa Lisboa
地址:中環蘭桂坊雲咸街 33 號 LKF Tower 8 樓
電話: 2905 1168
Buffet Brunch : 星期六及公眾假期 12nn-3pm
收費︰成人 $328/ 位，8 歲以下小童免費，9-12 歲小童 $168/ 位，設加一
備註︰每位付全費成人可攜帶一位 8 歲以下小童免費。
