免費放電好去處！落公園玩野外定向！
聖誕節老人放大假、新年又過埋！喺呢個等待農曆新年的時候，要諗節目畀小朋友放電真係好頭痛！其實小朋友好易滿足，嗲哋媽咪帶去公園跑吓郁吓，已經勁開心又興奮！康文署喺 1 月至 2 月 26 日期間，於全港九新界 12 個指定公園分別舉辦「全民定向@公園」及「至fit@公園」兩個免費活動，將定向及體適能運動融入公園！
太好喇！有人幫我諗埋湊仔好去處，仲要係免費，真係好滾動！由康文署舉辦的「全民定向@公園」及「至fit@公園」兩個系列的巡迴同樂日，原來是康文署「玩轉公園」活動的第二炮！
介紹返，想一家大細齊齊玩嘅話，「全民定向＠公園」就啱喇！嚟緊將會於北區公園九龍城賈炳達道公園、油尖旺區九龍公園、荃灣區城門谷公園及西貢區香港單車館公園舉行。
參加者於香港定向總會人員的指導下，透過定向訓練、遊戲或比賽，認識公園入面嘅花草榭木，仲有得玩吓定向運動！
想真放電就要 join 埋「至fit＠公園」，中國香港體適能總會人員會指導參加者利用不同場地的設施進行體適能鍛鍊！
同場更有不少適合一家大細嘅親子互動活動，唔只淨係畀小朋友玩，長者都一樣有嘢啱玩！
所有活動都係免費！不過，提提你有興趣參加「全民定向＠公園」的話，需要親臨主辦分區康樂事務辦事處或該區設有康體通服務的康體場地報名，或於活動舉行當日即場參加。「至fit@公園」活動則無需預先報名，帶個人出席就得喇！
info
「全民定向＠公園」
日期︰1月8日、2月5日、2月11日、2月25日、2月26日
時間：2pm-5pm
地點︰北區公園、賈炳達道公園、九龍公園、城門谷公園、香港單車館公園
網址：www.lcsd.gov.hk/tc/storm/rovingfundays.html
「至fit＠公園」
日期︰1月8日、1月15日、1月21日、1月22日、2月19日
時間：2pm-5pm
地點︰鰂魚涌公園、青衣東北公園、沙田公園、蒲崗村道公園、香港公園
「至fit＠公園」
日期︰2月26日
時間：10am-1pm
地點︰天水圍公園
網址：www.lcsd.gov.hk/tc/storm/rovingfundays.html