出門前要check 睇盡40 景點天氣
雖然香港地細，但天氣可以相差好遠，新界超好天，港島落大雨，郊區涷到震，市區熱到著短袖。嗱，依家出門去各區旅遊景點前（共 40 個），記得 check 一 check 香港天文台推出「香港旅遊天氣資訊」網站 ，計劃假期做足準備！
香港天文台新推出「香港旅遊天氣資訊」網站 visithk.weather.gov.hk，網站提供熱門景點、維港景致、離島、購物區、廟宇、沙灘、城中公園及自然公園等分類，共 40 個地方，最新天氣情況及詳細天氣預測。當然大家成日去的迪士尼樂園、海洋公園、太平山頂、貝澳泳灘、米埔、地質公園等亦包括在內，well，歌都有得唱「天氣不似預期……」，但做足準備冇壞嘅！
提供當日日出、日落、月出、月落、漲潮、退潮時間，要捕晨光第一線、日落 magic hour、或者濕地潮汐漲退時間，有預算。
以 click 入 12 月 29 日太平山頂為例，最低氣溫攝氏 10 度，最高攝氏 16 度，打算聽朝睇日出，太概 10 度左右要著夠衫，但似乎多雲麻麻地，另可 click 天氣圖片睇每三小時的天氣圖示，睇下見能度及是否多煙霞，clcik 景點介紹，連結到旅發局網站DiscoverHongKong.com 的相關網頁，可查閱各旅遊景點的詳細資訊。
太平山頂未來九天的每小時溫度預測、每三小時的天氣圖示及每日降雨概率。
每三小時的天氣圖示。 
旅發局網站的太平山頂介紹。
