當城城再遇小旋風
浙江衛視《我們十七歲》大手筆邀請郭富城孖住宿敵林志穎去旅行！你估堅旅行？冇天王級享受，一開波已要由神州大地揸車去越南邊境，辛苦過小志帶住 kimi 《爸爸去哪兒》。
一向百厭過 monkey 嘅城城，今次收足錢做甩繩馬騮（天王級酬勞四千萬人仔 !），仲唔開心到 crazy！
一齊瞓
講明 back to 十七歲逆時光旅行，梗係要做啲而家唔會做嘅嘢，例如孖鋪，瞓前城城做 sit up 操肌兼 show off 朱古力。
鬥顏值
兩大男神肌齡同廿年前相比……講堅差唔遠！玩鬥唔眨眼嗰陣，close up 大頭冇皺紋兼雙目有神。
拗手瓜
城城手瓜強而有力，不過強人都有眼瞓時，城城瞌眼瞓個天然呆樣，型！負責揸車去越南嘅小志，仲型！
鬥無賴
成班人食飯叫到成枱嘢，唔夠盤川點算？兄弟夾計，城城出招，最後點收科？呢個 game 除咗鬥力仲鬥智鬥 young 。《我們十七歲》旅程啱啱開始，有排追吖！
