皮雕原來可以咁玩？！

text/ macau.d

嚟緊呢個禮拜就到聖誕，唔打算出遠遊都去澳門行一轉吧！
澳門關前街俊秀圍成了活化城區嘅新遊點，創意小店和食肆不少，好似手工啤酒專門店、杯麵專門店咁；其中What's Up Tea Bar上星期就有一個好鬼正嘅POP UP皮雕展。

骷髗展翅 / 歐偉雄 · 香港

追夢/ 瞿偉康 · 香港

Ukulele / 冼美儀、冼美璋 · 澳門

腦袋造型嘅手包、真「耳」機，竟然是皮革造?！夠搞鬼啦啩？未算！實物原大成個人咁高嘅皮雕盔甲、皮製 Ukulele、可以著上身嘅腰封馬甲同牛仔帽，全都加入了皮雕工藝元素；仲有幾可亂真的花卉、骷髏及動物主題雕刻飾畫等等。

耳機 / 呂展翔 · 香港

腦袋 / 呂展翔 · 香港

角鵰 / 李亞蘭 · 香港

主辦的「設計 · 生活協會」表示，近年港澳關注皮雕的人愈來愈多，為進一步推廣，特邀得港澳台三地共十位皮雕藝術家參展。負責策展的澳門 Mi Leather Workshop 就話，今次參展的港台皮雕藝術家都是首屈一指的，能一次過睇晒十位老師精湛而具創意的作品，也屬首次。想睇？就要快啲買張船飛過澳門喇！展期只到明年一月中哦！