免費去摩士泳池賞極光 x 飄雪
聖誕賞極光和飄雪相信是不少香港人的願望，奈何無錢無假又真係難啲。不過最近在黃大仙就可以成一次滿足兩個願望。原因當然不是黃大仙顯靈，而是東華三院在黃大仙摩士公游泳池舉行「極光飄雪嘉年華」，你冇睇錯，係游泳池。現場搭好歐陸式小鎮場景，現場除了有高達 5 米的聖誕樹，更會在每晚 6 時舉行極光飄雪匯演，配以特別的燈光、音響和飄雪效果，採訪當日，現場小朋友就看到極之興奮。更重要是，極光飄雪嘉年華是免。費。入。場，對慳家的街坊而言絕對是福音。
全場最觸目，肯定是這棵高達 5 米的聖誕樹。早陣子更有讀者在社交平台形容「好似某主題樂園的聖誕樹」（笑），唔使畀錢就有燒鵝的味道，仲想點？
除了極光表演，現場還有舞台匯演、舞台表演、不同類型的手工藝工作坊，更有大型充氣彈床、VR （虛擬實景）遊戲攤位試玩等等。重申一次，絕大多數活動都是免費參加。
嘉年華絕對為小朋友而設，包括只能拍照，不能旋轉的旋轉木馬位，還有充氣滑梯等等。
【info】
東華三院極光飄雪嘉年華
日期：即日至 2017 年 1 月 14
時間：3pm - 9:30pm
地點：黃大仙摩士公園淨泳池
免費入場．查詢：9266 1307