5 首經典．5 個學友經典 Moments
text: chun
今個禮拜日，學友開騷！買到飛嘅，自然開心等睇騷；撲唔到飛嘅（如我），喺呢個 moment，咪惟有自行搵返學友經典名曲嚟聽囉……學友名曲太多，而呢五首，除咗同樣好聽到爆，亦標誌住學友音樂生命中五個重要時刻，份外有意義！
《藍雨》
學友早期名作。收錄在 1986 年、第三張專輯《相愛》中。原版為德永英明出道歌曲《Rainy Blue》，改為粵語版後，歌詞由林振強負責，交代了一個傷心漢子在一片冷雨中，勾起戀愛回憶的悲痛故事，成首歌由起初平靜到末段感情完全爆發，學友以獨到唱功完美演繹！學友大部分歌都出名難度高，而呢首《藍雨》，更加難中之難，唱 K 冇命賠必然之選。
《李香蘭》
惱春風，我心因何惱春風……每當耳畔響起《李香蘭》我第一個諗起的人就是——阿漆——Yes，《國產凌凌漆》嗰個凌凌漆。當佢冒險闖進賴有為大宅查探恐龍骨下落時，突然興之所至，自彈自唱《李香蘭》畀袁詠儀聽，深情！當然，學友原版同樣深情，每次聽都不禁沉溺其中……歌曲收錄於 1990 年專輯《夢中的你》，歌曲面世當年唔算 hit，點知後來卻愈來愈受歡迎，成為一首學友不朽經典！
《分手總要在雨天》
分手歌經典中之經典，以致每逢在兩天，都會令愛過痛過分手過嘅男與女隱隱作痛……歌曲收錄在 1992 年《真情流露》呢一隻香港樂壇超級經典專輯中，經典在：1.當中冇一首歌唔好聽，而只有好聽同超好聽之分；2.專輯單在香港已經賣咗 40 萬張，標誌著一個廣東歌黃金盛世；3.專輯仲受到一致好評，奠定學友「四大天王」地位，yeah！
分手歌經典中之經典，以致每逢在兩天，都會令愛過痛過分手過嘅男與女隱隱作痛……歌曲收錄在 1992 年《真情流露》呢一隻香港樂壇超級經典專輯中，經典在：1.當中冇一首歌唔好聽，而只有好聽同超好聽之分；2.專輯單在香港已經賣咗 40 萬張，標誌著一個廣東歌黃金盛世；3.專輯仲受到一致好評，奠定學友「四大天王」地位，yeah！
《這麼近（那麼遠）》
我留著你在身邊，心仍然很遠……歌曲收錄在 1995 年專輯《過敏世界》，製作呢張專輯前，學友曾經飛去美國進修音樂，換言之，這是學友學成歸來的一張專輯，而《這麼近（那麼遠）》更由他親自作曲！睇番個 MV，更搵嚟當年剛出道冇耐嘅 Kelly 演出——廿年過去，Kelly 竟然同以前冇乜點變，相當 crazy！
我留著你在身邊，心仍然很遠……歌曲收錄在 1995 年專輯《過敏世界》，製作呢張專輯前，學友曾經飛去美國進修音樂，換言之，這是學友學成歸來的一張專輯，而《這麼近（那麼遠）》更由他親自作曲！睇番個 MV，更搵嚟當年剛出道冇耐嘅 Kelly 演出——廿年過去，Kelly 竟然同以前冇乜點變，相當 crazy！
《你的名字我的姓氏》
曾經是去飲時、上乳豬前的必備環節——無論新郎哥唱歌好唔好聽（或難唔難聽），都一定要在眾目睽睽下唱畀新娘（給所有賓客）聽……歌曲並未收錄在學友任何專輯中，首次曝光，是在 1996 年 3 月的《愛與交響曲》演奏會上——早一個月，學友剛剛同羅美薇註冊結婚，這首歌，是李偲菘與林夕送畀學友的新婚禮物。
曾經是去飲時、上乳豬前的必備環節——無論新郎哥唱歌好唔好聽（或難唔難聽），都一定要在眾目睽睽下唱畀新娘（給所有賓客）聽……歌曲並未收錄在學友任何專輯中，首次曝光，是在 1996 年 3 月的《愛與交響曲》演奏會上——早一個月，學友剛剛同羅美薇註冊結婚，這首歌，是李偲菘與林夕送畀學友的新婚禮物。