《藍色海洋的傳說》首播
全智Fish x 李敏鎬 9 大必睇位！
等足成個月，《藍色海洋的傳說》終於首播！並連續兩晚打孖上播兩集。睇咗未睇咗未？估唔到當我義無反顧跳入呢個 Ocean，「全智 Fish」更義無反顧地爬上岸登陸首爾。人魚上岸實死？——係，笑死嗰個死！頭兩集九大必睇笑位全結集，睇咗重溫！未睇熱身！（講明劇透吖）
1.敏鎬出場！
傻魚好笑？老千李敏鎬都唔弱，第一集講識得將人瞬間催眠嘅佢假扮寬頻技工潛入 office，第一次施展神級催眠秘技（未來會 keep 住施展），佢用對電眼 scan 一下目標再轉幾下火機已完美 KO，勁過千王之王飛啤牌。
2.冇咗條尾，但有長腿
Oppa 辛勞行騙，那邊廂人魚已沖咗上岸。奇在美人魚一上岸就唔見咗條尾。呢場戲 fans 又再欣賞到全智賢對美麗 long legs，但戲入面人魚就好忐忑，冇咗條招牌魚尾你話奇唔奇！
4. 魚食蕉？
人與魚喺現代初邂逅而過程不可思議——人魚發現自己有腳後極速上岸仲靈活到爬入李敏鎬間渡假屋偷……banana 食，男事主入屋發現一地蕉皮兼有個妙齡女子生勾勾掛衣櫃，邊有咁著數？冇著數之餘仲畀條大力無窮的人魚打鑊甘，見到李敏鎬畀人打心痛死吖。
5.玩謝西警
畀條魚打完一身即報警，人魚被捕過程笑料百出——見到盒裝紙巾發晒癲狂掹仲差啲向天開槍大鬧西班牙警察局，班西警對呢條魚冇晒符……但點解有場警局結婚戲咁 amazing？自己睇！
6. 表演食 pasta
原來呢條乃 60 億人魚（皆因古代敏鎬送咗隻定情玉扼畀佢市值 60 億立即成為現代敏鎬行騙對象）。呢場講老千為爭取人魚信任冧招盡出——先教大字蟹 pose 過馬路嘅人魚正確使用斑馬線方法，又送裙送鞋兼二人世界 dinner。最後點？咪睇人魚變大媽喺西班牙徒手食 pasta 囉。
7. 全智Fish放電
第二集一開波就講李敏鎬帶美人魚去咗間靚到古堡一樣嘅酒店，人魚共處一室唔少得老千出浴戲（嘩有肌！），仲有男女主角貼身相擁（真係擁？），仲有人魚表演放電勁過千頌伊 15 秒精靈！
9.智賢好功夫
老千智商高都要大力魚扶持。呢幕講李敏鎬畀人追殺，一仆一碌之際全智賢使出海洋派功夫拳拳到肉。證明美人魚並唔係太平洋病 fish，嚇死鬼佬連 oppa 都 O 嘴喎。
頭兩集係咁多先！大家繼續畀心機慢慢追。
