去南涌賞歸隱靈氣蘆葦田

南涌真係好靚，南涌真係好靚，南涌真係好靚！南涌除了有荷花田，更有充滿靈氣的蘆葦田，加上附近四面環山，山明水秀的風景，真。係。好。正！

你問我意見，我當然都話好靚（否則也不會選擇到這裡吧），但要形容南涌的靚，我覺得比形容靚女靚仔更困難。南涌的美，可說是充滿脫俗的靈氣：地方幽靜，山明水秀，四面環山，附近全是荷花塘和蘆葦田、魚塘等等。唔係講笑，要不是趕時間拍攝，要我坐在這個地方看一天風景也願意。

從高空拍攝南涌位置，看起來其實不算大，一般人約半小時也可行完。另外，蘆葦田的前身其實就是荷花塘，據稱荷花塘是在近年才被大堆蘆葦入侵。

那麼，今次的主角：蘆葦，跟另一個賞蘆葦熱點：谷埔相比，哪個比較美？南涌的蘆葦田其實沒有谷埔這麼大，只有約一個多足球場大，但勝在觀賞和拍照的角度也不少，而且蘆葦以外，也可以拍攝其他河塘風景搭夠。但小小提示，若果想連人帶蘆葦拍照的話，其實也有一定難度，始終蘆葦多為濕地，最理想還是站在路邊跟蘆葦拍照，已經可以拍攝不錯的效果。

前往方法：從粉嶺港鐵站 C 出口對出的小巴總站，乘搭 56k 小巴，至南涌站下車，下車後向南涌直路方向前行約 5 分鐘，見銀色郵箱後轉左就到。