識睇一定去谷埔睇蘆葦！
問全能的 google 大神，在香港欣賞蘆葦田有甚麼好去處，它二話不說（雖然 google 大神一直沉默不語），即時彈出「谷埔」兩字，其中更不少人寫了網誌，介紹如何前往欣賞和拍照心得，看來谷埔已被網民和 google 大神公認為全港必去的蘆葦田之一。
那麼，蘆葦田係咪真係咁勁？當然要行過至知。由鹿頸巴士總站步行至谷埔，需時約 45 分鐘左右，還好四周風景優美，單是欣賞治路近海的沙頭角山水景，已經夠人心曠神怡。
經過千山萬水，終於到達谷埔村，好快就看到今次的主角：蘆葦！蘆葦田的面積大得有 5 - 6 個足球場大，正正位於谷埔村的中心位置，相當易找。當日陽光普照，蘆葦更是已經開花，頂部程棕色的蘆葦，被陽光照射得金光閃閃，好．閃．呀。
一直沿著路徑行，就可看到廢校、丟棄的村屋等等。只可惜當日陽光太猛，加上附近沒有叢林遮掩，否則天氣更涼爽的話就可以慢慢 hea 行，情侶談心真係話咁易。 
想在谷埔影靚不難，即使係在蘆葦旁邊的路徑拍照，也可以拍到高質靚相。
點去搵蘆葦？
前往谷埔的方法很簡單，但記得要預留充足時間前往。首先，從粉嶺港鐵站 C 出口對出的小巴總站，乘搭 56k 小巴，至鹿頸總站。留意，若果平日前往，小巴為每半小時一班，而且最後一班由鹿頸開出的小巴時間為 7pm 啊。
到達鹿頸總站後，穿過小橋直行，然後看到綠色指示牌前往谷埔、鳳坑後即轉左。然後一直向前行，經過鳳坑村。
再繼續沿指示牌前行至谷埔，全程約 45 分鐘左右。
中途需要步行石級前往，記得慢慢走就可以。
