創意 x 實用 眾籌網熱爆外遊裝備
text/ kt
photo/ 網上圖片
kickstarter、indiegogo 等眾籌網如多啦A夢的百寶袋，一打開，集資產品林林總總，「咁都諗到？！」真係睇到人既佩服又興奮！嘗試用「travel」一字來搜尋一下，創意 apps、銀包、行李箱、飛機上用的枕頭、旅行拖鞋、戶外帳篷、水樽、背囊、單車、多功能外套……，具創意又實用的旅遊裝備唔少，有些甚至未到集資限期已超額達標，你又會支持這些創意產品、花錢入貨嗎？
全球首部行李電動車
名為 Modobag 的行李喼可以裝行李，差足電就變身電動車，拉起喼上的手把，揸住佢於機場疾走趕閘口，室內速度 5 MPH、室外就達 8 MPH，比走路快幾倍！Modobag 利用輕巧堅固的鋁合金框架製成，可乘載 260 磅以下人士，設有速度調校及剎車掣，確保「行駛」時安全，可用盡最後時間掃多兩份手信！
網址：
www.indiegogo.com/projects/modobag-world-s-first-motorized-rideable-luggage-travel-technology#
Modobag 既是行李箱，又是電動車，同時設有 usb 插頭，隨身手機同平板想叉電都得。
Backer（支持者）價格參考：Modobag US$1,095 起未包運費（來源地美國），預計 2017 年 1 月出貨。
密實收納腰帶
設計中性平實的腰帶 The Cache Belt，眾籌計劃早已達標，產品賣點係暗隔多多，如果鍾意好似婆仔咁將銀紙、小物咁在身上左塞右攝，呢條腰帶就大派用場。腰帶暗隔有 28 吋長，配備繩圈可扣鎖匙、小電筒等，以魔術貼封口，可以當銀包用，又可放 adventure 小工具如指南針、萬用小軍刀、魚鈎等，最闊 1.25 吋的小物都可以放入。
網址：
Backer（支持者）價格參考：The Cache Belt US$25 起未包運費（來源地美國），預計 2017 年 1 月出貨。
腰帶扣與開瓶器二合為一
宇宙最強防臭 footwear
結合鞋和襪保護特性的 SKINNERS，點解話宇宙最強？SKINNERS 採用高科物料製造，防臭防水耐用可水洗，輕便如襪一樣可摺埋收入背囊或篋，穿上又如鞋一樣堅韌，跑步、做健身、踩單車等，可防玻璃碎、膠積木等尖物弄傷（短片看到 https://www.youtube.com/watch?v=sF7J6vcf_fQ#action=share）。SKINNERS 設計中性，一上飛機換掉皮鞋，在走廊移動可少了侷促，上廁所亦唔怕污糟。
網址：
www.indiegogo.com/projects/skinners-revolutionary-ultraportable-footwear-shoes-design#/
睇下 SKINNERS 所用的物料及功能！Backer（支持者）價格參考：US$40 起未包運費（來源地美國），預計 2017 年 3 月出貨。
智能繙譯耳塞
有機會去歐洲跟網友見面，但大家的外語都麻麻，點算？呢對採用最新語音辨識及繙譯技術的耳塞，或者幫到手！雙方都戴上無綫耳塞，連接手機 app，耳塞會即時接收對方說話，透過語音辨識，為你繙譯（講出）設定的語言。第一階段可繙譯英文、西班牙語、法文、意大利文及葡萄牙文，稍後推出德文、俄文、普通話、日文、韓文、越南和印度語等。
網址：
Backer（支持者）價格參考：The Pilot US$199 起未包運費（來源地美國），預計 2017 年 5 月出貨。
