俾 3 分鐘我！ 說服唔跑步嘅你去跑步！
鴻溝系列(1) 跑步｜｜唔跑步人與人之間好易有鴻溝。不單止於年紀輩分地位，食葱｜｜唔食葱，踢波｜｜唔踢波，結婚｜｜唔結婚，足夠對立。真的可以用 3 分鐘就撫平皺紋 / 撫平鴻溝嗎？唔知呀，試吓囉。(已用去15 秒)
唔跑步不外乎 3 個原因：
1) 跑步好悶嘅！
因為只有重覆又重覆的提腿、落地、提腿、落地，普通人每分鐘上上落落 120 次，跑 10 公里要做同樣動作 8,000 次，好！悶！囉！又未必。跑步訓練有好多種，練耐力要長跑，練速度要間歇跑（又名衝圈），如果你跟到靚仔較練楊日雄的玩法，喺維園做熱身，跑圈，臨尾和助教玩玩遊戲——是真的玩到會笑的分組遊戲，你就知道跑步可以唔是重重覆覆重重覆覆。(已用去 50 秒) 2) 跑步好易腳粗嘅！
因為始終都是重覆又重覆的提腿、落地、提腿、落地，所以腿粗。原來又未必！只要你在跑前有做動態熱身，跑後有拉筋，兩條腿都可以保持結實而不粗壯。而且跑步不止於下半身訓練，身體的平衡都有助於慳啲力氣——如果再加上有美人教練魏秋琪拍２匪戈瑜伽其實更好。她會因應熱身動作決定每班的程度，作出相應調整，窩心！。(已用去 1 分 25 秒) 3) 跑步得一個人跑！
香港跑步風氣日盛，有大量輕鬆跑團出現，連大型運動牌子都要搞班，一班 20 人齊齊操練其實唔會只得一個人，一唔一個人視乎你有幾投入。例如大隻教練 Ocean 的 Circuit Training，就是 16 個人一班，分 4 個人一組，有 4 組不同動作，例如 Plank、Squat，Sit Up，每組人做完一組動作，就齊齊順時針轉去做下一組！認真，睇相就知開心！只要練好心肺功能，一路跑步一路傾計是平常——而這也可以是訓練的一種，識朋友，其實唔難。(已用去 2 分 05 秒) 4) 喂但係做完運動搵地方沖涼好煩呀！
好，附加多個貼士。adidas 旗艦店位於銅鑼灣恆隆中心，兩層高，好大地方，地方大到設有男女更衣室加沖！涼！房！只要參加他們的訓練班，就可以寄儲隨身品加享用設施（事後還有 Cold Pressed Juice 飲），費用全免，只須報名。（已用去 2 分 45 秒）說唔說服到你跑步？我唔知呀。不過試吓跑，有幾難？娘娘哋講，You Only Live Once。#YOLO
詳情查詢：ata.adidas.com.hk